వాన లో Mr.Perfect....

మూడు రోజులు వరసగా సెలవన్న ఆనందం శుక్రవారం రాత్రి నుండి ఉంది ...హాయి గా పడుకోవచ్చు ..త్వరగా లేవాల్సిన పని లేదు ...ఇలా అనుకుని ప్రశాంతంగా నిద్రపోయాను...అలవాటు ప్రకారం 6:30 కి మెలకువ వచ్చింది.పక్కనే మా రూం మేట్ ని చూసా లేచిందేమో అని ..లేపితే తన్నేల మొహం పెట్టుకుని నిద్ర పోతోంది ...సరే అని నేను కాసేపు దొర్లి 8 కి లేచాను ..కానీ చాలా బద్దకంగా ఉంది ..ఏ పని చేయకూడదు అనిపిస్తోంది ...!!..వెళ్లి టిఫిన్ తినడానికి కూడా బద్ధకం .....మళ్ళి 9:30 తర్వాత ..వెళ్తే వాసన చూడడానికి కి గిన్నెలో ఏమి ఉండవు ...అన్నట్లు మర్చిపోయాను ..ఇడ్లీ వాసన కూడా రాదు ..కాబట్టి ...ఖాలీ గిన్నె చూడాల్సోస్తుంది ..మళ్ళి 2 వరకు కడుపు మాడ్చుకోలేక ... బద్దకాన్ని కాసేపు బజ్జో పెట్టి వెళ్లి తినేసి ..ఆలా ఆలా ..బ్లాగులు చదువుతూ ..చాటింగ్ చేస్తూ కూర్చున్నా ...ఫేస్ బుక్ లో నా తమ్ముళ్ళు ఇద్దరు gonna watch mr.perfect అని ...hope prabhas rocks అని పెట్టారు ....ఇక మనకు సినిమా చూడాలనిపించేసింది ...:)..కానీ మా రూం మేట్ వస్తుందో లేదో తెలీదు ...నెమ్మది గా స్వాతి అని పిలిచా ..ఆ గొంతు లో మార్పేంటి?..ఏదో టెండర్ ..చెప్పు అనింది...ఏం లేదు సినిమా కి వెళ్దామా అన్నాను..ఏం సినిమా అనింది ..Mr.perfect..అన్నాను ..తను కాస్త ఆశ్చర్య పోయింది ..నువ్వు సినిమా చూద్దాం అనడం ఏంటి కిరణు అని...అదా ప్రభాస్ అంటే అదో అభిమానం లే అని చెప్పా .....ఇంకా వర్షం రిలీజ్ అయినప్పుడు మాస్ బంక్ కొట్టి మా ఊర్లో సినిమా కి వెళ్ళాం మా క్లాసు అమ్మాయిలందరూ కలిసి ...అని నా సోది చెప్తుంటే..హా ..ఇంతకి షో ఎంతకి అని అడిగింది ...2:30 అని చెప్పా...ఇప్పుడే 12:30 అయ్యింది...అందుకని త్వరగా తయారయ్యి బయల్దేరాము

నేను మొదటి రోజు..సినిమా కి వెళ్తున్నాన్న విషయం పేపర్ లో వేయించాలనిపించింది..నాకే ఇది కాస్త ఎక్కువైంది అనిపించి నా స్నేహితులిద్దరికి ఫోన్ చేసి చెప్పా..అందులో ఒకరు..చీ నా బతుకు..ఏ సినిమా చూడని నువ్వు కూడా సినిమా కి పోతున్నవ్..నేనేమో ఇక్కడ ముఖ్యమైన పనిలో ఇరుక్కుపోయా అని ఏడిసాడు..:D ..ఇంకొక అబ్బాయేమో...మొదటి రోజు నీకు షో అవసరమా మాకే టికెట్లు దొరకట్లేదు అన్నాడు..నాకు దొరికాయి లే నేను వెళ్తున్నా అని అటు నుండి ఏం చెప్తున్నాడో కూడా వినకుండా ఫోన్ కట్ చేసి విజయ గర్వం తో హాల్ లో అడుగు పెట్టా..:)

సినిమా మొదలయ్యింది......

మొదలవుతూనే కిరికెట్టు ...చిన్న హీరో బుల్లి హీరోయిన్ కిరికెట్టు ఆడుకుంటూ ...బుల్లి హీరో అప్పట్లో హీరోయిన్ విలువ తెలియక గొడవ పడ్తుంటే ....వాళ్ల నాన్న నాజర్ నచ్చ చెప్తాడు ...ఎప్పుడు నేను, నా లోకం ..నా గెలుపు అనుకోకుండా ..పక్కనోడి కోసం కూడా ఆలోచించు అని ...అప్పట్లోనే వాడికి వాళ్ల నాన్న మాటలు నచ్చవ్....నేను నాకు నచ్చిందే చేస్తా ..ఎవరి దగ్గర adjust అవ్వను అని గట్టిగా అరచి చెప్పేస్తాడు..

నాకు పై సీన్ ఏ నచ్చేసింది ....first impression is best impression అన్నట్లు సినిమా మీద ఒక మంచి అభిప్రాయం ఏర్పడి పోయింది ...

బుల్లి హీరో కి కాళ్ళు పొడుగ్గా,చేతులు పొడుగ్గా ముక్కు,కళ్ళు,మూతి మొహానికి సరిపోయెంతగా ...మొత్తానికి మొహం అందంగా... ఆరడగుల అందగాడిలా ..ఇలా ఇన్ని మార్పులు వచ్చినా..ఆలోచనల్లో మాత్రం మార్పు ఉండదు..కానీ చివరికి డార్లింగ్ పక్కనోడి కోసం సర్దుకు పోవడం ...అలవాటు చేసుకుని ...అందులో ఉన్న ఆనందాన్ని అర్థం చేస్కుంటాడు ...!!..ఇలా అర్థం చేస్కొడానికి ఇద్దరు హీరోయిన్లను పెట్టి , లచ్చలు లచ్చలు ఖర్చుపెట్టి సినిమా తీసి హీరో కి అర్థమయ్యేలా చేస్తాడు మన డైరెక్టర్..:)

ఇంతకి సినిమా మొత్తం చూసాక కొన్ని conclusions కి రావచ్చు ...ఎడ్డం అంటే ఎడ్డం అంటే ఎక్కడ మజా ఉండదు ....మాటల్లో కానీ ,ఆటల్లో కానీ ,జీవితం లో కానీ ..!!.ఎడ్డం అంటే తెడ్డం అంటేనే జీవితం లో కిక్ ఉంటుంది ...దేవుడు అందుకే అనుకుంటా ఎప్పుడూ అలాగే కలుపుతాడు ...నా స్నేహితుల నుండి చాలా విన్నాను ...అందులో నుండి ఒకటి ..కిరణ్ నాకు black ఇష్టం ...మా ఆయనకి అది తప్ప అన్ని ఇష్టం ...చివరికి గాడి గా కనిపించే పసుపు రంగు తో సహా అనింది ..:D..hmmn...గాడ్ ఇస్ గ్రేట్...:)

నాకు డవిలోగులు అస్సలు గుర్తు ఉండవు ..కానీ ఇదెందుకో అలా గుర్తుండి పోయింది ..ఎంత అంటే చెప్పలేను ...ఎలా అంటే చూపించలేను ...కానీ గుండె కొట్టుకునేంత వరకు నిన్ను ప్రేమిస్తూనే ఉంటాను అని....:P..మీరలా అనుమానంగా లుక్కేయ్యకండి ..నాకు నచ్చిందని చెప్పా అంతే..:)..ఇంకో సీన్ కాజల్ ప్రభాస్ కి mms పంపిస్తుంది ..birthday wishes ..ఆ సీన్ నాకు నచ్చింది ....ఎందుకో కాజల్ క్యారెక్టర్ తెగ తెగ నచ్చేసింది....అమ్మాయిలు ..తన ప్రతి డ్రెస్ అదిరిపోయింది లే ...:)

ఒక మంచి సినిమా చూసాం అనే ఫీలింగ్ వస్తుంది మొత్తం అయ్యాక ...ఇలాంటి ఫీలింగ్ లో ఉండగానే ..నాకు ఒక చప్పుడు వినిపించింది ...ఏంటో తెల్సా ...భోరుమని వర్షం ...ధియేటర్ బయటకి రాంగానే పక్కనే ఉన్న bus stand కి నడిస్తేనే సగం తడిచి పోయాం...ఇంకో సగం బస్సెక్కేటప్పుడు తడిచిపోయాం ..బస్సు లో ఉన్నప్పుడు ..అటు ఇటు ఫుట్ పాత్ మీదకి నీళ్ళు ఎగురుతున్నాయి ..అంతలా నీళ్ళతో నిండి పోయింది.అవి ఎగురుతుంటే... మా స్వాతి దాన్ని చూపిస్తూ కిరణ్ అటు చూడు వావ్ అంది ...ఆహా ...అనుకున్నా ....బస్సు దిగాం ..ఇక రూం కి నడుస్తుంటే ....ఒక సుమో వచ్చి ఇందాక మేమున్న బస్సు నీళ్ళు ఎగిరించినట్లు ...ఎగిరించి మా మీద పడేలా చేసి పోయింది ...స్వాతి.. ఏది ఇప్పుడు వావ్ అను అన్నాను ..వా ..వా ..అనింది ...ఏమిటో అప్పుడు అలా....ఇప్పుడు ఇలా..

ఇంతలోనే పుటుక్కు మని నా చెప్పు తెగిపోయింది ....my shoe is gone...my shoe is gone (with tune) తో పాడుకుంటుంటే ..ఏంటి కిరణ్ బాధ లేదా ..అనింది ...హహ్హహ ..లేదు ..దేనితో పెద్ద బంధం పెట్టుకోకూడదు ...అందుకే నేను నా చెప్పు తో పెట్టుకోలేదు అన్నాను ..ఆ పిల్ల అదోల చూసింది ..భయమేసింది ..ఎక్కడైనా manhole లో తోసేస్తుందేమో అని ...అందుకే వెంటనే మార్చేసి ...ఆహా అది కాదు ..చాలా రోజుల నుండి వాడుతున్నా..ఇప్పుడు వాడాలని లేదు ..ఆలా అని పారేయబుద్ధి కాలేదు ..ఈ రోజు వీటికి పోయే కాలం వచ్చింది అన్నాను ...ఒహ్హో ..అని ఊర్కుంది ..హమ్మయ్య ...గండం గట్టేక్కానని ...ఊపిరి పీల్చుకుంటూ మెట్లెక్కి రూం కి చేరాను ..:)...కానీ మీరో విషయం గమనించాలి..మీరు వాడే వస్తువుల్లో ఏదైనా పారేయబుద్ధి కాక ఇంకా మీ దగ్గరే ఉంటే అలా పెద్ద వాన వచ్చినప్పుడు ఓ సారి తీసుకెళ్ళండి..ఓ పనయిపోతుంది..:):P