13 January 2011

సంక్రాంతి..వచ్చింది తుమ్మెద... :)

పండగ వాతావరణం..చిన్నపుడు అయితే బాగా తెలిసేది...

అసలు..ఇప్పుడు..ఏంటో production issues...ఏవి లేక పోతేనే...అసలు సిసలైన పండగ.. :D
ఏదో కాస్త అవన్నీ మర్చిపోదమనే కదా బ్లాగుల ముందు కూర్చుంది అని మీరు అనుకుంటున్నారు..i know..i know.. :)

సంక్రాంతి అంటే బామ్మ ఇల్లు...దసరా అంటే అమ్మమ్మ ఇల్లు బాగా అలవాటు.. :)...
ఏదేమైనా సంక్రాంతి కి బామ్మ ఇంట్లో ఉండాల్సిందే..లేక పోతే నేను అరచి గోల చేసే దాన్ని..ఎందుకంటే అన్నికుటుంబాలు అక్కడ కలుస్తాం..కొత్త డ్రెస్ లు వేసుకోవచ్చు...ఒక్కర్తే ఆడ పిల్ల అని..పెద్దనాన్న వాళ్ళు,అత్తయ్య వాళ్ళు కూడా డ్రెస్ లు కొనిపెట్టేసే వాళ్ళు.. :P :) ..ఇక మా తాతయ్యగారు..దగ్గర కూర్చో పెట్టుకుని అయన కథలు..నాకు తెల్సిన పద్యాలూ చెప్పించుకుని...మురిసిపోయేవాళ్ళు.. :)

మీరు అలాంటివి అడగకండి...నాకు అసలే short term memory loss.. :D

ఇవన్ని ఒక ఎత్తైతే...ముగ్గులు..బానే నేర్చుకునే దాన్ని...ఏది చూసిన ఒక పుస్తకం లో వేసుకునే దాన్ని..మా అమ్మకు నాకే కాస్త వచ్చు..ఇంకా ఎవరికీ రాదు..అందుకే...మేమోస్తున్నాము అని అంటేనే...రంగులు కొనేది మా పెద్దమ్మ...ముగ్గు వేస్తూ ..అన్ని రంగులు ఐపోయాక...దానికి దిష్టి తీసి..కాలనీ లో ఎవరు ఎలా వేసారో చూడడానికి ఒక ట్రిప్ వెళ్ళే దాన్ని..మా సైన్యాన్ని వేసుకొని...వాళ్ళే కదా మరి రక్షకభటులు.. నాకు..
రాత్రి పది అయ్యిందే ఇప్పుడెక్కడికి అంటే...లేదు బామ్మ..ఇక్కడే ఆ కొట్టు ఉంది చూసావు..అక్కడి వరకు మాత్రమే..అని పరుగు....ఆ దారిలో...అక్క నువ్వేసిన ముగ్గే కెవ్వ్ అక్క...కేక అక్క..అని పోగిడేవాళ్ళు..ఒహ్హూ..సూపరు...అనుకునే దాన్ని..ఇప్పుడు నా ముగ్గు తప్ప...అందరి ముగ్గులు బాగుంటాయి అంటారు వెధవలు.. :(....వాళ్ళు అలాగే చిన్న గ ఉండి పోయి...నేనొక్క దాన్నే పెద్దదాన్నైతే బాగుండేది.. :) :P

ఐనా ముగ్గులు అసలు వేయట్లేదు..ఇప్పుడు..మా అమ్మ ఎంత అడిగిన వేయను..ఆ paintings వేస్కునే బదులు...నాకు సాయం చేయచ్చు కదా అంటే..చలి లో ఎవరు వేస్తారమ్మ పో అని అంటూ ఉంటా..ఇంతలో వచ్చేసాడు ...ఎవరో చెప్పుకోండి...ఆ కర్రెస్ట్ గ మా తమ్ముడే..అబ్బో ..వచ్చిందండి...రాబోయే కాలానికి కాబోయే పికాస్సో..అని నా ఫీలింగ్స్ ని..నా అపురూపమైన చిత్ర కళల్ని insult చేయడానికి..కొట్టుకోకండి..నేనే వేస్కుంట..అని అమ్మ అక్కడి నుండి బైటకు వెళ్ళిపోతుంది..నాకు తెల్సు ఏదో ఒక రోజు నా paintings అన్ని...భోగి మంటల్లోకే ..మా అమ్మకు మండిందంటే.. :P

భోగి మంటలు అంటే గుర్తొచ్చింది ..పల్లెటూరు ఏమి కాదు...city నే...అందుకే..ప్లేస్ ఉండేది కాదు...కానీ ఇంటి ముందర ఒక ఖాలీ స్థలం ఉండేది..అక్కడ...వేసే వాళ్ళు మంటలు..ఇది నేను ఏ రోజు ప్రత్యక్షంగా చూడలేదు..!!మనం సూర్యుడికంటే ముందు లేచి ఆయన్ని insult చేయాలని అనిపించేది కాదు కాబట్టి... :) :p


బొమ్మల కొలువు మాత్రం పెట్టేదాన్ని.....బోలుడు బొమ్మలు ఉండేవి....ఒక సారి మా బామ్మ అది ఇక్కడ పెట్టుకోనివ్వు ర..ఎప్పుడు మీ ఊర్లొనె అంటే...పాపం మా నాన్న ఎర్ర బుస్స్ లలో..ఆ అత్తపెట్టల్ని అంత మోసి...భుజాలు నొప్పెక్కి...వెళ్ళంగానే నీకు ఇలాంటి కోరికలు ఉంటె నువ్వే అక్కడికి ర..నన్ను వదిలేయ్..అని indirect గ వార్నింగ్ ఇచ్చారు...నేనేమో హ్యాపీ గ పట్టు పరికిణి వేస్కొని....అందర్నీ పేరంటం కి పిలిచి...వచ్చి బొమ్మల పక్క బుట్ట బొమ్మ లాగా నుంచొని ఫోటో లు దిగే దాన్ని.. :)..ఇదంతా సాయంత్రం....


పొద్దున్న కూడా బిజీ గ ఉండాలి కదా...సో మా తమ్ముళ్ళు
..బావలు...పతంగ్ లు ఎగిరేసే వాళ్ళు..వాళ్ళందరికీ...టైం కి గాలి పటాలు..గం....అదే అవి చిరిగిపోతే అతికించుకుంటారు..దానికి..పాత న్యూస్ పేపర్ లు సకాలం లో అందివ్వడం...వెనకాల ఉండి మాంజా పట్టుకోడం..నా డ్యూటీ లు...దీనికి పైకి కిందకి ఒక 100 సార్లు తిప్పిస్తారు... :(....సాయంత్రం వెళ్లి..అమ్మ కాళ్ళు నొప్పులు అంటే..నీకు కావాల్సిందే..అని అదే కాళ్ళ మీద ఒకటి వేసేది అమ్మ.. :(..ఆ మగ వెధవల్తో పాటు నువ్వేంటే...??..కూర్చుని టీవీ చూడు అంటారు...పోనీ సినిమాలు ఎమన్నా పెడతార అంటే..లేదు....న్యూస్... నాకొద్దు...అని మళ్ళి పైకి వెళ్ళిపోత..

ఆ డాబా మీద నుంచుని చూస్తూ ఉంటె..బోలుడు గాలి పటాలు....నేను కొంచం నేర్చుకున్న..ఎలా ఎగరేయలో..హే కిరణ్ జాగ్రత్త..ఆ మాంజా ని చేత్తో పట్టుకోకు...only ఆ కర్ర ని పట్టుకో అని చెప్తూనే ఉన్నారు మా వాళ్ళు...వాళ్ళు ఏదో గాలిపటాన్ని...ఎటాక్ చేయాలని పోయి..అరుస్తూ...గెంతుతూ ఉంటె..అదే ఊపు లో
మర్చిపోయి...నా చేయి మాంజా మీద పడింది..ఇంతలో వేరే పతంగ్ ని కాట్ చేసే టప్పుడు..వెనక్కి లాగుతూ...గాట్టిగా కాట్ అని అరిచాడు...మా వెధవ...అదే టైం లో నేను కూడా అరిచ...అదే అరుపు... నా చెయ్యి తెగింది...:(....రక్తం కారిపోతోంది...!!

ఒకడు వెనక నుండి వచ్చీ..అన్నాడు కదా...ఈ బక్కి దాన్ని అసిస్టెంట్ ఏంట్రా అంటే ఎవరు వినలేదు..ఇప్పుడు చూడండి..అప్పటికప్పుడు డాబా మీద నా చేతికి ఏమి చుట్టడానికి లేక పోతే...పేపర్ లు తీస్కురంమన్నాడు ఒకడు...ఇంకొకడు...ఆ రోజు ఏం సినిమా వేసాడో..టీవీ లో ..సినిమా పేజి లో చూస్తున్నాడు.. :(..అంత సినిమా పిచ్చి వాడికి..:)..మొత్తానికి కిందికి వెళ్ళిన..ఏమి తెగనట్లు..ఊర్కున్నమ్..లేకపోతే అందరికి పడతాయి..పండగ పూట..

అన్నం ముద్దలు చేసి పిల్లలందరికీ పెట్టేది...మా అత్తయ్య..కిరణ్ రామ్మా చేయి జాపు..అంటే ..నోట్లో పెట్టు అన్నా...ఆఅ మరీ గారం ఎక్కువైందే అంటే..మా సైన్యం అంత..అబ్బ పెట్టు...అత్త...అడుగుతోంది కదా అని నాకు వంత పడే వాళ్ళు.. :)..మరి చెయ్యి చూసారంటే..ఎవరికీ ఇంకో ముద్ద పెట్టించుకునే ఛాన్స్ రాదు...అన్ని గుర్తు తెచ్చుకుంటే నవ్వొస్తుంది.. :)

చాల సరదా రోజులు...ఇప్పుడు కలుద్దాం అన్న..ఒకరు అమెరికా లో..ఒకరు ఢిల్లీ లో..ఇంకొకరు గోవా లో..ఉన్నారు...

ఇన్ని బాగున్నా..నాకు పల్లెటూర్లో సంక్రాంతి బాగా చేస్తారు అని విన్నాను...అక్కడికి వెళ్లి జరుపుకోవాలని ముచ్చట.. :)..ఏవండి..మీ పిలుపులు నాకు వినిపిస్తున్నాయి..వచ్చేయన..?? :)

అమ్మ పండగ వంట చేస్తోంది...ఒక కన్నేసోస్త..ఆ ..సాయం చేయడానికి కాదు..ఏవేవి వండిందో చూడటానికి...మీ batch లో ఉండి..నేను పనులెల చేస్తా..?? :p

అందరికి...సంక్రాంతి శుభాకాంక్షలు.. :)


8 January 2011

కలలు - కలవరింతలు ..

ఇవి నిద్రే నా ప్రాణం అనే వాళ్ళు చేసే పనులు..!!

నా లాంటి వాళ్ళు వాళ్ళ వల్ల మధ్య లో ఉండి లేచి ఉలిక్కి పడి...మళ్ళి నిద్ర రాక తన్నుకు చచ్చే బాధిత సంఘం..

నేను కంటాను కలలు...అని మొన్నే నాకు తెలిసొచ్చింది ...అది ఎలా జరిగిందంటే..

ఒక fine డే...నిద్ర లేచి

brush చేశా గుడ్ గర్ల్ లాగా...కాస్త రొజుకంటే ఎక్కువ సేపు brush చేసానేమో..concentration divert అయ్యింది..

నాకు నా సైకిల్ గుర్తొచ్చింది...!!
సైకిల్ ఆ??యా..సైకిల్ ఏ...

ఏమైందంటే....నేను రోజు ఒక షాప్ కి వెళ్తున్న అంట...

అక్కడ మా నాన్న వాళ్ళ ఆఫీసు లో పని చేసే ఒక labour ఉన్నారంట..

ఆ అంకుల్ గమనించారు...
మనం నిజంగానే పక్కన ఎవరు నడుస్తారో చూడం..ఇంకా కలలో ఏం గమనిస్తాం లెండి...

ఆ షాప్ కి నేను వారానికి ఒక సారి వెళ్తున్న అంట....అది ఎందుకో తెల్స...నా పాత సైకిల్ కి ఏదో ఒక చిన్న repair వచ్చిందంట ..

అయితే నేను నాన్నని వెళ్లి అడిగాను కొత్త సైకిల్ కావాలి అని..పిచ్చ ..?? వెర్రా..??...ఇంకో వారం లో కాలేజీ అయిపోతుంది..ఇక స్కూటీ కొనిద్దాం అనుకుంటుంటే....నువ్వేంటి ఇంకో సైకిల్ అంటావ్.... అని....నాన్న...

అదో వెర్రి ది లెండి...మీరేం కొనియ్యకండి ....అని అమ్మ..అమ్మ ప్లాన్ ఏంటో తెల్స...ఆ స్కూటీ...కొనిస్తే...అమ్మ కూడా నేర్చుకొని...మార్కెట్ కి...సూపర్ మార్కెట్ ల కి..నాన్న కు తెలియకుండా షాపింగ్ చేసేయచ్చు అని ప్లాన్.. :P

నేనేమో సైకిల్ ఓఒ అని కూర్చున్న...

ఏం చేస్కుంటావో చేస్కో పో అన్నారు..ఎప్పుడు కసరని నాన్న.. :(..

మనకు ఏం లేకపోయినా నెత్తి మీద కుండ... ఉక్రోషం ఉన్నాయి గ..అవి కలలోకి కూడా వచ్చేసాయి ... :P

ఒక సైకిల్ షాప్ కి వెళ్లి లేడీ బర్డ్ సైకిల్ అడిగా.....1800 వందలు(ఇప్పటి రేట్ లు నాకు తెలిదు..అందుకే అప్పటి రేట్ ఏ కలలో వచ్చింది.. :)) అని చెప్పాడు....సరే వారానికి 200 ఇస్తా అన్నాను..సరే అయితే నువ్వు 9 వారాల తర్వాత వచ్చి సైకిల్ తీసుకు పో అన్నాడు...!! ఆ షాప్ వాడు...

బిక్క మొహం వేస్కొని....ఇంకా వారానికి ఒక సారి వెళ్లి డబ్బులు ఇచ్హే దాన్ని.....ఆ టైం లో ఆ అంకుల్ చూసి నాన్నకు చెప్పేసారు....!!

నాన్న గట్టిగ అరిచారు....కిరణ్ అని..ఏంటి నాన్న గారు అన్నా..అంతొదు అన్నాడు మా తమ్ముడు వెధవ..వీడు నన్ను కలలో కూడా వదలట్లే..

చెప్పండి అన్న..వాడి మాటలు విని...ఆ షాప్ కి ఎందుకు వెళ్తున్నావ్... అన్నారు....ఇంకా ఏడుపు స్టార్ట్.....ఏయ్..అఆపు ఆ tap కట్టేసి చెప్పు అన్నారు..

చెప్పాను జరిగిందంతా.....

పిచ్హి నీకు బాగా ముదిరిందే...అన్నారు..అసలు విషయం ఏంటంటే..నేను ఆల్రెడీ వాడికి 400 వందలు నా పాకెట్ మనీ ఇచ్చేస ...అది చెప్పలేదు...

ఆ షాప్ వాడి దగ్గరికి వెళ్తే...నేనివ్వను..నా దగ్గర ఇన్కమింగ్ ఏ కానీ అవుట్ గోయింగ్ లేదు అన్నాడు... @#@$#%#...!!

ఇంకా ఏం చేస్తా మనకేమైనా బ్లాకు బెల్ట్ ఉందా....కనీసం బ్లాకు కలర్ బెల్ట్ కూడా లేదు...

ఇంకా ఏడుపు..శోకం..అయ్యయ్యో..ఎప్పటి నుండో దాచుకున్న ,అడుక్కున్న 400 పోయాయని.....!!....అదీ కాకా..నా ఫస్ట్ సైకిల్ మరూన్ రెడ్ అనమాట..నాకేమో పింక్ ఇష్టం..మేము వెళ్ళినపుడు ఆ కలర్ లేదు..ఏదైతే ఏంటి తొక్కడానికి అని నాన్న..అది ఓకే అనిపించేసారు..!!....

అయ్యో జీవితం లో ఇంకా పింక్ కలర్ సైకిల్ తొక్క లేనే అని....:(

ఇంత బాధలో షాక్ తగిలి మెలుకువ వచ్చేసింది ..ఇక మనకు నిద్ర ఎక్కడిది....చుక్కలు చుద్దాం అంటే కూడా కనిపించవు.....అందుకే నా బాధ ని అర్థం చేసుకున్న మా రూం మేట్ నాకు చుక్కలు చూపించడం స్టార్ట్ చేసింది...

ఏదో కలవరింత...

సడన్ గ బెడ్ మీద నుండి లేచి....అక్కయ్య..నా క్లిప్స్ ఎక్కడ...అని జుట్టు బర బర గోక్కుంటోంది.. :)...

నాకు నవ్వాగట్లేదు..ఇంతలో ఇంకో అమ్మాయికి మెలుకువ వచ్చి...ఏమైందే....అనింది..అక్క క్లిప్స్ అంది...తను ఎంత sincere గ ఎక్కడ పెట్టావ్...చైర్ లో ఉన్నాయా ..చూడు..cupboard లో ఉన్నాయా చూడు అని వెతుక్కుంటున్నారు..బెడ్ మీద నుండే. :D...

ఆఫీసు కి వెళ్ళేటప్పుడు కూడా ఇంత sincere గ వెతుక్కోరండి..చెప్తే నమ్మరు....నాకు పిచ్హ పిచ్హ గ నవ్వు....ఆగట్లే...కానీ నేను oనవ్వానంటే...పోద్దున్నకి స్టొరీ అల్లేస్తారు..నేను కూడా నిద్ర లో నవ్వేసాను అని..అందుకే మా క్లాసు లో టీచర్ ఉన్నపుడు కంట్రోల్ చెయ్యని నవ్వు కూడా వీళ్ళ కోసం త్యాగం చేసేస..

ఇవన్ని...చూస్తూ ఉంటె,..ఇంతలో మా బావ గుర్తొచ్చాడు....నాకు...ఎందుకంటార...మేము మా బామ్మా వాళ్ళ ఇంటికి వెళ్ళినప్పుడు...పిల్లలందరికీ ఒక గది ఇచ్చేసే వాళ్ళు..అక్కడే...బతకండి...అక్కడే కొట్టుకుని చచ్చి పొండి అని...అంతల కొట్టుకునే వాళ్ళు మరి..

నేను involve అయ్యే దాన్ని కాదసలు ...అయిదుగురు మగ రాక్షసులు..నేను వాళ్ళకి లీడర్...
matter ఏంటంటే...ఆ వెధవల తో కలిపి నేను కొట్టుకొని ఉంటె..మీరు ఒక గొప్ప బ్లాగర్ ని మిస్ అయ్యే వాళ్ళు.. :P :D
కొట్టుకోవడం..అయిపోయాక
అక్కడే వరుసగా పడుకునే వాళ్ళం...అందరికంటే మా బావ కి పిచ్హ క్రికెట్ పిచ్హ...రాత్రి లేచి సిక్సర్...ఫోర్..అవుట్..సచిన్ అని రోజుకొకటి అరిచి పడుకునే వాడు...వాడిని వెళ్లి వరుసగా...మా రైట్ లెగ్ తో లెఫ్ట్ సైడ్ తన్నేసి వచ్చి మళ్ళి పడుకునే వాళ్ళం..మొన్న మా బావ వాళ్ళ ఆవిడకి ఫోన్ చేసి మరి చెప్పా...ఇంకా కలవరిస్తుంటే నువ్వు నీ లెఫ్ట్ లెగ్ ఉపయోగించు అమ్మాయి అని..నువ్వేల చెప్తే అల అంది.. :D

అప్పుడంటే మెలుకువ వచ్చిన పడుకునే వాళ్ళం..

ఇప్పుడు చాల కష్టంగా ఉంది...నిద్ర పట్టడం..ఒక సారి మెలకువ వస్తే...పెద్ద దాన్నయ్య..కదా..బరువులు బాధ్యతలు..ఆలోచనలు..మరి..:D

అసలు ఈ కల ఐపోయాక...సాయంత్రం నాన్న తో మాట్లాడుతుంటే ఏదో భయం.. :D ...అది కల కిరణ్...అది కల అని నాకు నేను ఎన్ని సార్లు చెప్పుకున్ననో..

ఈ కల మీద నా analysis .. :P

ఈ మధ్య నేనొక డ్రెస్ కొన్నాను..కానీ నాన్నకు చెప్పలేదు...అది ఈ రూపం లో వచ్చిందేమో .. :D
నా పింక్ సైకిల్ మీద నాకు నిజంగా ఇంత లవ్ ఉందా.. ??