16 August 2017

ఫిదా కి ఫిదా

శేఖర్  కమ్ముల గారు బాగున్నారా??
మీకే ??  బానే  ఉంటారు !! ..
మా పరిస్థితే  ఏమి బాలేదు..
ఏం చెప్పమంటారు .??
మాది ఒక  సాఫ్ట్వేర్  జంట .. చి ఛి .. ఏమన్నా ఇంట్రడక్షన్ ఆ..
ఆన్ని వైపుల నుండి  వచ్ఛే  స్ట్రెస్ తట్టుకోలేక  మా మిడిల్ క్లాస్ ఫామిలీస్ సినిమాలకి  వెళ్తూ  ఉంటాం ..మర్చిపొతూ  ఉంటాం ..
కానీ  దీన్ని అలా  మర్చిపోలేక  పొతున్నా...
సర్ .. ఫామిలీ ఫామిలీ సినిమా కి వెళ్లాం ..పిల్ల  జల్ల..అత్త ..మామ
భానుమతి సింగల్ పీస్ అని అరుస్తున్నప్పుడు ..నేను  ఈల వేద్దాం అంటే .. ప క్కన అత్త గారు ఫీల్ అవుతారు అని నా  ఫీలింగ్స్ ని కంట్రోల్ చేస్కున్నాను ..
ఆక్కకి పెళ్లవుతోందంటే ..వాళ్ళ నాన్న  అడిగే మాటలకి ఏడుపొస్తుంటే ..నా కూతురు సుసు అని ఏడుస్తుంటే ..దానితో పాటు నేనూ ఫ్లో లో ఏడ్చేశా ..ఆన్ని ఫీలింగ్స్ కంట్రోల్ చేసుకోలేం కదా ..
ఇవన్నీ ఓకే సర్ .. 
ఆ ఫీలింగ్స్ ఏంది??
మాలా అరేంజ్డ్ మ్యారేజ్ చేస్కున్న వాళ్ళ గురించి ఆలొచించరా
ఏం ఫీలింగ్స్ ఫీల్ అవ్వకుండా  చేసేసుకున్నారు అని వెక్కిరిస్తున్నరా ??
సర్ ,
పొద్దున్న లేస్తే  మేము ఎన్ని ఫీలింగ్స్ ఫీల్ అవ్వాలో తెలుసా ?

పనమ్మాయికి జ్వరం వస్తే నేను అంట్లు తోముకోడానికి ఫీల్ కావాలి...
మా పిల్ల యూనిఫామ్ మాపుకొస్తే ఫీల్ కావాలి...
దోశ  కాలక పోతే ఫీల్ కావాలి...

ఇన్ని ఫీలింగ్స్ మధ్య  లో  మీరు చెప్పే ఫీలింగ్స్ ని ఫీల్ అవ్వడానికి టైం ఎక్కడుంది

సరే లవ్ రీస్టార్ట్ చేద్దామని .. సినిమా నుండి వచ్చాక  నేను ఆయన్ని వరుణ్ అని ..నన్ను భానుమతి అని ఫిక్ష్ అయ్యాము

ఇద్దరం కూర్చుని మాట్లాడుకుంటున్నాం
సిటీ బ్యాంకు క్రెడిట్ కార్డు వాడు డ్యూ డేట్ గుర్తు చేయడానికి  ఫోన్ చేసాడు.. మా అయన వరుణ్ కాదు కదా మనిషి లా కూడా లేరు ..!!
నన్ను భానుమతి అనుకుని ..పలకరిద్దామని వచ్చారు ...మూలనున్న బట్టలు ..ఆకాశం లో  ఉన్న మబ్బులు మ్యాచ్ అవ్వక ఇర్రిటేషన్ లొ ఉన్న నేను కస్సుమని కసిరాను

అంతే లవ్ మూడ్ కాస్త వార్ మోడ్ లోకి వెళ్ళింది ..!
ప్లీజ్ ప్లీజ్ ..భానుమతి ని వరుణ్ ని పెట్టి పెళ్ళయాక ఎలా ఉంటుందో ఒక మినీ మూవీ తీయండి
అప్పుడు నా లాంటి   ఆంటీ లకు తృప్తి గా ఉంటుంది
అంటే పెళ్ళైన కొత్తల్లో కాదు..ఒక అయిదు ఆరు ఏళ్ళు అయ్యాక ..భానుమతి ఒక పిల్ల తల్లి అయ్యి..వరుణ్ కుటుంబ బరువు బాధ్యతలు మోస్తూ ..అలా అన్నమాట
లేకపోతే జీవితం లో ఏదో మిస్ అయిపోతున్నాం అన్న ఫీలింగ్ ఉండిపోతుంది...

ఆసల్ నాకు తెల్వక అడుగుతాను ..ఇన్ని ఫీలింగ్స్ అర్థం చేస్కునే మీరు..ప్రతి అమ్మాయి .లోను ఒక హిడెన్ భానుమతి ఉంటుంది ..ఎంతో మంది మర్చిపోయిన ఫీలింగ్స్ మల్లి గుర్తు చేసుకుంటారు అన్న  ఆలోచన రాలేదా? ఇది మానిపోయిన గాయాన్ని రేపటం కాదా?

అప్పటి అనంద్..ఇప్పటి వరుణ్ ని తల్చుకుంటూ ..రెక్కల గుర్రం కోసం ఎంత మంది ఆడపిల్లలు లు ఎదురు చేస్తున్నారో తెల్సా..ఏమి చేయలేక అనంద్ ని తల్చుకుంటూ కప్పుల కప్పుల కాఫీ లు తాగేస్తున్నారు ..కొంత మంది చీరలు కట్టుకుని సెల్ఫీ లు దిగేసి ..రూప లా ..సీత లా ..భానుమతి లా ఫీల్ అయిపోతున్నారు..
 
గోదావరి సినిమా చూసి  రాముడి కోసం ఎదురు చుసిన లక్షల మంది లొ ఒక దాన్ని నేను

లీడర్ సినిమా చూసొచ్చి హాస్టల్ రూం  లో తలుపులు వేసుకుని   ..వందేమాతరం పాడి ..జనగణమణ చదివేసుకుని ..నా  దగ్గరున్న watercolors తో ఇండియా ని గీసి నెను సైతం .అనుకున్న దాన్ని నేను

హ్యాపీ డేస్ చూస్తూ ఫ్రెండ్స్ అందరం థియేటర్ లో హ్యాపీ డేస్ హ్యాపీ డేస్ అని కోరస్ పాడుతూ ..కళ్ళల్లో నీళ్లు పెట్టుకుంటుంటే ..మా పక్కన అంకుల్స్ మమ్మల్ని చూసి కుళ్ళుకుంటున్న చూపులు అప్పుడు అర్థం కాలేదు..ఇప్పడు భానుమతి ని వరుణ్ ని చూస్తుంటే అర్థం అవుతోంది వాళ్ళ బాధ .. దీన్నే సర్.. కర్మ గోస్ అరౌండ్ ..comes అరౌండ్ అంటారు

అలాంటి   వ్యక్తిత్వాలు ఎక్కడుంటాయి సర్.. ..ఆనంద్..రామ్ ..వరుణ్ ..సీత ..రూప ..భానుమతి ? మీరేమైనా వెకేషన్  కి చంద్రమండలం మీద కి వెళ్తూ ఉంటారా??

మా లా EMI లను ..prodcution issues లను ఫామిలీ డ్రామాస్ ని సీరియస్ గా తీసుకునే మమ్మల్ని మళ్ళీ లవ్ లో ముంచి తేల్చేసి ..ఇప్పుడు అలా ఉన్నామో లేదో తెలియక తికమక ఫీలింగ్స్ తో మిగిలిపోయాం

అసలు పెళ్ళికి నేను పెట్టిన ఒక కండిషన్ శేఖర్ కమ్ముల గారి మూవీస్ కి తీసుకెళ్లమని తెలుసా..
మీకు నేను అంత ఇంపార్టెన్స్ ఇస్తే మీరు నన్ను ఇంత డిస్టర్బ్ చేస్తారా?

దీనికి  శిక్ష గా మీరు నేను చెప్పిన మినీ మూవీ ని తీస్తే నా ఇగో కాస్త చల్లారుతుంది ... ఎనీ వేస్ ..ఐ హేట్ యూ శేఖర్ కమ్ముల గారు..
బట్ ఐ లవ్ ఆనంద్..ఐ లవ్ హ్యాపీ డేస్..ఐ లవ్ గోదావరి ..ఐ లవ్ లైఫ్ ఐస్ బ్యూటిఫుల్ ...ఐ జస్ట్ లవ్ ఫిదా.. బట్ ఐ హేట్ యు :D 

 

23 July 2017

ధ్యానం

ధ్యానం ..

ఇప్పడు నేను ఎలా చేయాలో చూపిస్తాను.. కళ్ళు మూసుకుని చదువుతూ చేయండి..ఎల్ .కె .జి  సైన్స్ పుస్తకం పక్కన పెట్టుకుని కూర్చోండి ....

కళ్ళు మూసుకోండి

RelaaaaXxx!!

Relax your toes(పక్కన పుస్తకం తీసి 5 వ పేజీ లో parts of the body తెరవండి.. టోస్ - కాలి  వేళ్ళు .. )..Feel that the energy is passing to your leg (leg - దీనికి పుస్తకం చూడక్కరలేదు ..నాకు తెలుసు మీరు తెలివిమంతులని..)..And then to your knees(చూడండి పర్లేదు.. నేను ఎవరికీ చెప్పను ) and  then to your spine (ముందు కాదు వెనకది ..నేను ఎనర్జీ ని ముందు పంపడానికి ట్రై చేశా .. ఎందుకు వెళ్లట్లేదో అని గూగుల్ చేస్తే ..స్పైన్ ముందు కాదు వెనక అని ఉంది.. )and then to your neck and then to your forehead (నుదురు.. నేనైతే ధ్యానం చేసేటప్పుడు తెలీకుండా నాలుగు తలలు వచ్ఛేస్తాయేమో అని ఎనర్జీ ని  గో గో అంటున్నా.. వెళ్లట్లేదు.. పక్క వాడిని పిలిచి forehead అంటే ?? అని అడిగా ..తల పట్టుకున్నాడు ..ఓహ్ అర్థమైంది ..ఎహె అది కాదు.. ఇది అని అక్కడున్న మార్కర్ తో నుదుటి మీద కొట్టాడు .. అప్పుడు వెలిగింది ..నాకు ముందే తెలుసు.. కానీ వాడిని పరీక్షించా  ) and finally to your heart and you feel relaxed...RelAXeddd...Relaxxxxxeeddd...!

concentrate on your breath!!.. Inhale Peace.. Exhale Stress..Continue doing this ..
ఊహించుకుంటే భలే ఉంది..
Inhale Peace(కారు ,బంగలా,3 కోట్లు బ్యాంకు బాలన్స్ ,నా ప్రమోషన్ (నీ తలకాయ ...3 కోట్లు  ఉంటే బోడి ప్రమోషన్ ఎందుకు.. కుక్క బుద్ధి ).. Exhale Stress (మా మేనేజర్ ,నాకు  బ్యాంకు లోన్ ఇచ్సిన మేనేజర్ .. నాతో పని చేసే ఆ పవన్ గాడు .. బయటికి వెళ్తున్నారు ..  నా ఆఫీస్ మెయిల్స్ అన్ని డిలీట్ అయిపోతున్నట్లు.. ..కనిపిస్తున్నాయ్ )
ఎంత హాయిగా ఉందో ..ఇది నిజం .ఇదే నిజం ... మిగితాది అంతా  అబద్దం ..! నాకు కనిపించేదే నిజం ..!


ఇలా రెండు ఆంటే రెండు నిమిషాలు వాళ్ళు చెప్పేటప్పటికి చాలా అంటే చాలా  హాయి గా అనిపించింది ..ఈ లోపు  ఇలాగే కళ్ళు మూసుకుని ఉండండి..చక్కటి సంగీతం పెడతాము.. వింటూ ఏమి ఆలోచనలు వస్తే వాటిని రానివ్వండి.. దేన్నీ  ఆపద్దు అన్నారు.. ఇక నా బుర్ర మొదలు పెట్టింది ..ధ్యానం ఆంటే ఇంతేనా..మాములుగా అయితే సంగీతం లేకుండా ఏడుస్తాము.. ఇప్పుడు స్పెషల్ ఎఫెక్ట్స్ తో బాధ పడతాము ..ఇంతకీ ఇప్పుడు గిరిధర్ వస్తే ఏం చెప్పాలి.. రాత్రి నుండి టెస్టింగ్ స్టార్ట్ అవుతుంది...ఈ పల్లవి రేపు జ్వరం వచ్చే లా ఉంది అని ఈ రోజు వెళ్ళిపోయింది.. ఆ పవన్ 3 టిఫిన్ లు 30 సిగరెట్లు కాన్సెప్ట్ తో చాలా కూల్ గా ఉంటాడు..వాళ్ల కి కిరీటాలు లేవు..నాకు ఉంది..లీడ్...అన్నిటికీ నేనే బాధ్యురాలిని..దాని జ్వరానికి..వీడి ఆకలికి ..ఈ రోజు ఎలా అయినా పని అయిపోతుంది  అని నిన్నే చెప్పాను.. ఈయన ఎవరిని ఇప్పటికి వరకు తిట్టలేదుట ..నా తోనే మొదలవుతుంది..ఆ సాధు జీవి కి కోపం తెప్పించిన వింత జీవి లా అందరూ నన్ను చూస్తారు..ఆ అవమానం తట్టుకోలేక..ఉద్యోగం మనేస్తాను...ఏదీ దొరక్క ఇంట్లో అంట్లు తోముకుంటూ  ఉంటాను...దానికి మెచ్చి  మా పాత పనమ్మాయికి ఇచ్ఛే 1800 నాకు ఇస్తే ఏం  చేసుకోవాలో తెలీక ..ఎలా ఖర్చు పెట్టుకోవాలో తెలియక సతమవుతుంటే... "కిరణ్ ..స్టాప్"...అందరి ముందు అరుస్తాడేమో..అయ్యయ్యో ..ఎలాగ??..అయ్యే నేను ధ్యానం చేస్తున్నా.. ఇలాంటివి ఆలోచించకూడదు.. శివ శివ ..రామా ..your waiting list number is in next జన్మ .. నంబర్ 123456789..ఇందాక ఎక్కిన ఎనర్జీ అంతా భయంగా మారిపోయి..కాళ్ళు ..వళ్లు.. కళ్ళు ..గోళ్లు..మొత్తం పాకిపోయింది..ఈ భయం లొనే ఈ గిరిధర్ మా బెజవాడ బాబాయ్ లా ఉంటాడు...మెహం అంతే ప్రశాంతంగా.. ఉంటుంది .. నవ్వుతూ పలకరిస్తాడు.. ఇప్పుడు ఎలా స్పందిస్తారో.. అమ్మో..అయిపోయింది.. నా ఉద్యోగానికి స్వస్తి చెప్పే రోజు ఇదే ..ఇక రిటైర్మెంట్ వచ్చే రోజులు దగ్గర పడ్డాయ్ కాబట్టి.. దేవుడు ధ్యానం మీద మొగ్గు చూపేలా చేసాడు...ఇక ఆలోచించలేనంత భయంతో ఉండగా అక్కడ మ్యూజిక్ ఆగిపోయింది...చాలా రిలాక్స్ అయ్యారు కదా..(అది మేము చెప్పాలి.. మీరు చెప్పకూడదు )రోజు చేస్తే మంచి ఫలితాలు ఉంటాయి(అవునవును .. నేను చేసిన లా చేస్తే మా ఇంట్లో వాళ్లకి మంచి ఫలితాలు ఉంటాయి )...ఇంకా వివరాలకు మా వెబ్సైట్ చూడండి.. ఇపుడు నెమ్మదిగా కళ్ళు తెరవండి...నెమ్మదిగా...


ఎదురుగా గిరిధర్ ..

బాబాయ్..!!(ఈయన ఇలా ఎదురుగుండా ఎంత సేపు కూర్చున్నాడో ..అయిపొయింది)

కిరణ్ ఏం చేస్తున్నావ్..ఓకే listen

ఆ టెస్టింగ్ టీం వాళ్ళకి ఇంకో వారం పడుతుంది ట మొదలు పెట్టటానికి ..సో రేపు పూర్తి చేసి నాకు చెప్పు చాలు అన్నాడు..

ఇంక చాలా రిలాక్స్డ్ గా అనిపించింది.. అనవసరంగా .. ఇంత సేపు ఆలోచించాను ..అయినా ఆది నా తప్పు కాదు ... నా  ముక్కులోనుండి అందరూ బయటికి  వస్తున్న సమయాన . మ్యూజిక్ పెడతాను ..ఏమి ఆలోచించద్దు అని ఆలోచనలని గుర్తు చేసిన ఆ అమ్మాయిది ...

ఇది ఉమెన్స్ డే న మా ఆఫీస్ లో ఒక సెషన్ ...నేను రూమ్ లోకి వెళ్లే టైం కూడా లేక సీట్ లోనే కూర్చుని జ్ఞానిని అయిపోయాను ..! Yes I am జ్ఞాని .. అలా ఎలా ఆ నిర్ధారణకు వచ్చానో చూడండి ..

కానీ ఆలా ఎనర్జీ ని పాస్  చేసేటప్పుడు .. నా  కళ్ళ ముందు నా task కి  ధ్యానానికి చాలా  లింక్ కనిపించింది .. 1 రన్  అవుతే  2 రన్ అవుతుంది .. 2 రన్ అవుతే 3 రన్ అవుతుంది... ఇలా లింకు ఉంది.. అలాగే.. నా వేళ్ళ నుండి తల వరకు ఆలా ఫోకస్ చేస్తుంటే.. భలే అనిపించింది ..ఇందులో ఏ ఒక్కటి పని చేయక పోయినా మనిషి బె బె కదా.. అన్నీ  పని చేస్తున్నందుకు మనం హ్యాపీ గా  ఉండాలి కదా ..
ఇప్పటికి అర్థం అయ్యిందా గొర్రె .. !  ఎక్కడ ఎవరు అంటున్నది?? మొత్తం చూసాను . ఎవరూ కనిపించలేదు ..మాట మాత్రమే వినిపించింది.. అప్పుడు అర్థం అయ్యింది ..నాకు జ్ఞానోదయం అయ్యింది అని.. !!


మీకు ఇలా జ్ఞాని గా మారాలి అని ఉంటే ..మీ ముక్కులో నుండి మీకు నచ్చనివి అన్ని పంపించేయండి ..

ఇంకో విషయం కూడా తెలిసింది..ఒక ముక్కు రెండు రంద్రాలు ఎందుకున్నాయో ..!!
అబ్బా మీకు నన్ను పొగడాలి అని ఉంది కదా ..పొగడండి ..పర్వాలేదు  .. 

 

19 July 2017

Lessons from an old Professor!

I used to read books a while ago and could not get the chance for some while

After a long gap. Started with a wonderful book tuesdays with Morrie. Suggested by my friend. Luckily had a softcopy of it and could complete it during the boring long meetings :P

I usually type the lines which I like for my reference ..but I could copy this time..:)

Some important lessons to be remembered were in the book

1.“Accept what you are able to do and what you are not able to do.” (p. 18)
2. “Accept the past as past, without denying it or discarding it.” (p. 18)
3. “Learn to forgive yourself and to forgive others.” (p. 18)
4. “Don’t assume that it is too late to get involved.” (p. 18)
5. Find someone to share your heart, give to your community, be at peace with yourself, try to be as human as you can be. (p. 34)
6. “Love always wins.” (p. 40)
7. “The culture we have does not make people feel good about themselves. And you have to be strong enough to say if the culture doesn’t work, don’t buy it.” (p. 42)
8. “So many people walk around with a meaningless life. They seem half-asleep, even when they’re busy doing things they think are important. This is because they’re chasing the wrong things. The way you get meaning into your life is to devote yourself to loving others, devote yourself to your community around you, and devote yourself to creating something that gives you purpose and meaning.” (p. 43)
9. “ . . . if you really want it, then you’ll make your dream happen.” (p. 47)
10. “The most important thing in life is to learn how to give out love, and to let it come in.” (p. 52)
11. “Love is the only rational act.” (p. 52)
12. “I don’t allow myself any more self-pity than that. A little each morning, a few tears, and that’s all . . . . It’s horrible to watch my body slowly wilt away to nothing. But it’s also wonderful because of all the time I get to say goodbye.” (p. 57)
13. “Sometimes you can’t believe what you see; you have to believe what you feel.” (p. 61)
14. “What if today were my last day on earth?” (p. 64)
15. “Once you learn how to die, you learn how to live.” (p. 82)
16. If you accept you are going to die at any time, then you might not be as ambitious as you are. (p. 83)
17. There is no foundation, no secure ground, upon which people may stand today if it isn’t the family. (p. 91)
18. “Don’t cling to things, because everything is impermanent.” (p. 103)
19. “ . . . If you’ve found meaning in your life you don’t want to go back. You want to go forward. You want to see more, do more. You can’t wait until sixty-five.” (p. 118)
20. “Money is not a substitute for tenderness, and power is not a substitute for tenderness.” (p. 125)
21. “ . . . love is how you stay alive, even after you are gone.” (p. 133)
22. “Love each other or perish.” (p. 149)
23. “ . . . the big things—how we think, what we value—those you must choose yourself. You can’t let anyone--or any society—determine those for you.” (p. 155)
24. “Don’t let go too soon, but don’t hang on too long.” (p. 162)
25. “Be compassionate. And take responsibility for each other. If we only learned those lessons, this world would be so much better a place.” (p. 163)
26. “Forgive yourself before you die. Then forgive others.” (p. 164)
27. “As long as we can love each other, and remember the feeling of love we had, we can die without ever really going away. All the love you created is still there. All the memories are still there. You live on—in the hearts of everyone you have touched and nurtured while you were here.” (p. 174)
28. “Death ends a life, not a relationship.” (p. 174)
29. The important questions have to do with love, responsibility, spirituality, awareness. (p. 175)
30. “You’re not a wave, you are part of the ocean.” (p. 180)
31. “ . . . there is no such thing as ‘too late’ in life.” (p. 190)

And few more lines which I loved while reading

So many people walk around with a meaningless life. They seem half-asleep, even when they’re busy doing things they think are important. This is because they’re chasing the wrong things. The way you get meaning into your life is to devote yourself to loving others, devote yourself to your community around you, and devote yourself to creating something that gives you purpose and meaning.”

“A teacher affects eternity; he can never tell where his influence stops.”
Henry Adams

Is today the day? Am I ready? Am I doing all I need to do? Am I being the person I want to be?’”

If you want the experience of having complete responsibility for another human being, and to learn how to love and bond in the deepest way, then you should have children.”

But detachment doesn’t mean you don’t let the experience penetrate you. On the contrary, you let it penetrate you fully. That’s how you are able to leave it.”

When you learn how to die, you learn how to live.”

North American Arctic, for example, who believe that all things on earth have a soul that exists in a miniature form of the body that holds it—so that a deer has a tiny deer inside it, and a man has a tiny man inside him. When the large being dies, that tiny form lives on. It can slide into something being born nearby, or it can go to a temporary resting place in the sky, in the belly of a great feminine spirit, where it waits until the moon can send it back to earth.

Yes, I said, but if aging were so valuable, why do people always say, “Oh, if I were young again.” You never hear people say, “I wish I were sixty-five.” He smiled. “You know what that reflects? Unsatisfied lives. Unfulfilled lives. Lives that haven’t found meaning. Because if you’ve found meaning in your life, you don’t want to go back. You want to go forward. You want to see more, do more. You can’t wait until sixty-five. “Listen. You should know something. All younger people should know something. If you’re always battling against getting older, you’re always going to be unhappy, because it will happen anyhow.

“Fate succumbs many a species: one alone jeopardises itself.”
W.H. Auden,

We put our values in the wrong things. And it leads to very disillusioned lives

There’s a big confusion in this country over what we want versus what we need,”

We all have the same beginning—birth—and we all have the same end—death. So how different can we be? “Invest in the human family. Invest in people. Build a little community of those you love and who love you.”

there is no such thing as “too late” in life. He was changing until the day he said good-bye.


11 March 2014

పెళ్లి రోజు కానుక !!

కికికికి
సంవత్సరం అయిపొయింది .... ఇది పెట్ట.. బేడా సర్దుకుని ... ఎక్కడికో వెళ్ళిపోయింది ..దీని గోల తప్పింది  అని ఊపిరి పీల్చుకుంటున్న సమయం లో .... నన్ను చూసి ఉలిక్కి పడ్డారా
కాలం ..జీవితం .. పరిగెడుతూ ఉంటాయి .. అన్నీ క్షణాల్లో జరిగినట్లు జరిగిపోతాయి .. 
ఖాలీ ఖాలీ గా బ్లాగు లు ఎవరు రాస్తారా .. అని ... అన్ని టపాలు చదివేసే నేను ..ఇలా అయిపోయాను అంటే అది కాలం మహిమే
ఇంట్లో ఆఫీసు లో అప్పుడప్పుడు పని చేస్తున్నా .. ఎప్పుడూ  పని చేస్తున్నట్లే అనిపించేస్తోంది...
మీ అందరిని అప్పుడప్పుడు బస్సు లో వెళ్తున్నపుడు .. ఆఫీసు లో సరదా కబుర్లు చెప్పుకుంటున్నప్పుడూ . హాయిగా మనసారా నవ్వినప్పుడు తలుచుకుంటూ ఉంటాను ..

ఇంతకి విషయం ఏంటంటే నా  పెళ్లి అయ్యి అప్పుడే 730 రోజులు అయిపొయింది !

ఒక్క రోజుకే దండం పెట్టిన జనాలు ఉన్నారు..నన్ను  రోజులు గా భరిస్తున్న మా వారు గ్రేట్ కదా!

అదే కాదు నాకు ఈ కింది వస్తువు పెళ్లి రోజు కానుక !! -- easel (పెయింటింగ్ వేసుకునేటప్పుడు కాన్వాస్ పెట్టుకోడానికి )



అమ్మా కిరణు ..ఎలా సాధించావ్ దీన్ని అని అడిగితే ..ఇలా చెప్పగలను 

మా ఆయనకు కొన్ని ప్రమాణాలు చేశాను..   నిలబెట్టుకున్నాను..  దానితో ప్రసన్నులై ఇది ఇచ్చారు.. 


 అవి ఏమిటంటే....పెల్లైన కొత్తల్లో ఒక  సారి వంట చేశాను ... తిన్నారు ...తిన్న తరువాత మేడ మీదకి తీసుకెళ్ళారు  ... మెట్లు ఎక్కుతూ ఉండగా సందేహాలు నాకు .... 

తోసేస్తారా (అంత సీన్ లేదులే ఈయనకి )
తొసేయమంటారా (అదే బెటర్ అనుకుని )

నువ్వు ఇక్కడే నుంచో  .. నేను ఇప్పుడే వస్తా అని వెళ్ళిపోయారు ... ఎండలో నుంచో పెట్టి శిక్ష అనుకుంటున్నారా ??  అనుకునే లోపే  పుస్తకం పట్టుకుని పైకి వచ్చారు .. 

కింద మా ఓనర్ అంకుల్ ఉంటే పిలిచారు ... 

ఈయనే మనకి సాక్ష్యం .. అని చెప్పి భగవద్గీత మీద  చేయి వేయించి అంతా  నిజమే చెప్పించారు ..ప్రమాణం చేయించుకున్నారు ... " మా అయన ఆరోగ్యంగా ఉండటం కోసం నేను ఎప్పుడూ వంటింట్లోకి వెళ్ళను .. వెళ్ళినా వంట చేయను .. వండినా మా ఆయనికి పెట్టను " అని 

అది ఈ రోజు వరకు తు చ   తప్పకుండా పాటించాను ! :D ..

అదీ సంగతి 

మళ్లీ  ఇంకో మార్చ్ 10 కి కాకుండా తరచుగా కనిపిద్దాం అనుకుంటున్నా....  మీరేం అంటారు ??

ఏంటో రెండేళ్ళ  నుండి పర్మిషన్  అడగనిదే  ఏ పని చేయలేక పోతున్నా మరి !! :P 

10 March 2013

రెండు రోజుల పెళ్ళి రోజు

ఈ వారం పెళ్ళి చూపులు ..
ఏవరికి నాన్న…?
నాకు ..మీ…అమ్మకి…
అయితే తమ్ముణ్ణి రమ్మని ఫొనె చేస్తాను …
ఏం తిక్క తిక్క గా ఉందా …?
వచ్చే వారం …పెట్టుకుందాం …
వద్దు..అనుకున్నవి అనుకున్నప్పుడే అయిపొవాలి…
ఆవును…మరి మీ నాన్న మా పెళ్ళైన కొత్తల్లో తమిల్ నాడు టూర్ వెళ్దాం అన్నారు …ఇప్పటి వరకు ఎందుకు కుదర్లేదో …అంటూ మాట విసిరింది మాతా శ్రీ ..
హిహిహి
నవ్వాపి ఫొనె పెట్టేయ్ ..శనివారం పొద్దున్నకళ్ళా ఊరికొచ్చెయ్ …

***
 

ఆసలే వివరాలు అడగవా ….??
ఏమడగాలి ..ఫొటొ చూసాను కదా …?
ఏ ఊరు..ఎంత మంది అక్క చెల్లెల్లు..వయసెంత ..?
సరే మీరే జవాబులు చెప్పండి ..
పొగరు ….ఇలాగే మాట్లాడకు ….వెనక్కెళ్ళిపొతారు ..
జవాబులు ..
ఉఫ్ఫ్ ….ఒక చెల్లి…తూర్పు గోదావరి జిల్లా …
అయ్య్ రాముడికి దగ్గరవుతా …
ఆన్నీ కుదిరితే అవుతావ్ …లెదంటే వేరే అమ్మాయికి అవుతాడు ..
ఎహె నాన్న ..వచ్చే అబ్బాయ్ గురించి కాదు ….శ్రీ రామ చంద్రుడి గురించి మాట్లడుతున్నా ..
గోదావరి చూడచ్చు ..శేకర్ కమ్ముల ఎంత బాగా చూపించాడు …
ఉఫ్ఫ్ …..దానిని ఓ సారి ఆ గుడికి తీస్కెళ్ళి ఏమన్నా పట్టిందేమొ స్వామి ని అడిగేసి రా..
నాకేమి అవ్వలేదు ..రమ్మంటె వచ్చా కదా …ఇంకెందుకు నస…
రేపు మధ్యానం మూడున్నరకి మంచిదట …అప్పుడు వస్తారు …ఏ ఫ్రెండ్స్ కి appointment లు ఇవ్వకుండా ఇంట్లొ ఉండు …
గుర్ర్ర్ర్ర్ర్ర్ర్ర్ర్ర్ర్ర్ర్ర్ర్ర్ర్ర్ర్ర్ర్ర్ర్ర్ర్ర్ర్ర్ర్ర్ర్ర్ర్ర్ర్ర్ర్ర్ర్ర్ర్ర్ర్ర్ర్ర్ర్ర్ర్
 
                                                                              ***

అమ్మాయి తల్లిదండ్రులు ...అబ్బాయి తరపు వాళ్ళు ...మట్లాడుకోండి అని వదిలేసేలితే ...
ఎలా మొదలెట్టాలొ తెలీక ...ఏం మట్లాడాలో తోచక గోడకేసి చూస్తే తలపొగరనుకుంటారని...నేలకేసి చూస్తూ సిగ్గు పడుతున్నట్లు నటించేస్తున్నా …
కిందకి తల వంచుకొని కూడా ...ముందరున్న అబ్బాయి గురించి కాక ..ముందు రోజు డామేజర్ అన్న మాటలకి..సలా సలా మరిగిపోతున్న రక్తాన్ని ...కాస్త చల్ల బరచడానికి ..మురారి లో మహేష్ బాబు ని గుర్తు చేస్కుంటూ ఉండగా ..
మీరు మొదటి నుండి అదే కంపెనీ ఆ అన్నాడు ...
నాకు ప్రశ్న ల లో నచ్చని ఒకే ఒక్క ప్రశ్న అది..
వంచుకున్న తల అలాగే ఉంచి..అరుందతి లో అనుష్క లా కళ్ళు ఎర్ర చేద్దామనుకుని ..వచ్చిన మనిషి ఎవరో ఓ సారి గుర్తు చేసుకుని ...సొనాలి బింద్రె లాగా అమాయకంగా చూస్తూ ..అవునండి అని చెప్పాను..
మీ చదువు...??
ఇక్కడే ఈ ఊర్లొనే ...
మరి మీది..??
అక్కడే ఆ ఊర్లొనే ...
ఓహొ ఇద్దరం ఊరోల్లమే ..నొ ప్రొబ్లెం...
సినిమాలు ...
అస్సలు నచ్చవండి ...అసలు వెళ్ళను ..
మహేష్ బాబు సినిమాలు కూడా నా ..??
అదోలా చూపు..
ఏం లేదు నేను మహేషు ,ప్రభాసు సినిమాలు మాత్రమే చూస్తాను ...నాకు మరీ నచ్చి తీస్కెళ్ళమంటే..?
ఏమో తెలీదు ..తీస్కెళ్తానేమో ...అయినా ..మీరు మీ ఫ్రెండ్స్ తో వెళ్ళచ్చు ...
మా నాన్నకంటే ఉదార స్వభావుడిలా ఉన్నాడు ....మా నాన్న పెళ్ళైన పదేల్లకి మా అమ్మకి ఫ్రీడొం ఇచ్చారు ...ఇతను కలిసిన పది నిమిషాలకే ఇచ్చేస్తున్నాడు ..సర్లే అన్నీ కుదిరినప్పటికి ..
ఇంకో చివరాఖరి ప్రశ్న నేనే వేసి ఆపేద్దం అనుకుని…
పుస్తకాలు చదువుతారా అని ఏదో నేను 100 పుస్తకాలు చదివేసినట్లు అడిగాను ..
విజయానికి 5 మెట్లు చదివానండి …
ఫక్కున వస్తున్న నవ్వుని ఆపుకుని….ఎన్నో మెట్టులో ఉన్నారో అని అడగబోయి …మళ్ళీ ఆగిపొయి ..ఈ సారి గొడకేసే చూస్తున్నా ..
ఇంకా ఎమన్నా ప్రశ్నలు ఉన్నాయా అండి
ఏమి అడగద్దు అనే కదా indiect గ అన్నావ్ …అనుకుని…ఉహు..అన్నాను…
మళ్ళీ తలపైకి ఎత్తి చుసే లోపు ..candidate జంప్ ..
హమ్మయ్య అనుకుని నేను రూం లోకి వెళ్ళిపోయి …వాళ్ళెప్పుడూ ఇంట్లో నుండి వెల్లిపొతారా అని ఎదురుచూస్తూ ఉన్నా…
                                                                    ***
 
ఎమిటి నీ అభిప్రాయం …?
వాళ్ళు వెళ్ళి ఇంకా అయిదు నిముషాలు కూడా అవ్వలేదు ….
సరే ఇంకో పది నిముషాల తర్వాత అడుగుతా …
నాన్నా ..నాకేం తెలియట్లేదు …..ప్లీస్ …కొంచెం టైం ఇవ్వండి …
..
..
..
ఇరవై నిముషాల తర్వాత …
ఆలోచించావా ..?
ఫ్రకాష్ రాజ్ లా కనిపించారు నాన్న ..
ఈ లోపు ఫొనె..
ఎలా జరిగాయ్ రా ..ఏమంటోంది ఇది…??నువ్వు,మీ ఆవిడ ఏమనుకుంటున్నారు ..?
ఆబ్బాయ్ చాలా నిదానస్తుడి లా ఉన్నడు అన్నయ్య ..ఇదే కొపిష్టి అవుతుందేమో అతని పక్కన..
ఇదేమంటోంది …
ఏమి తెలియట్లేదు అంటోంది …
అయితె ఓ కే అన్నమాట ..
ఏం కామేడీ లా…అందరికీ …??ఫొనె పెట్టేయండి నాన్న ….బెంగలూరు వెళ్ళి ఆలోచించుకు చెప్తాను ..
నాకెందుకో ఈ సంబంధం ఖాయం అనిపిస్తుంది రా ..
నాకు అలాగే ఉంది..
మన మొండి ఘటం ఏదో ఒకటి చెప్పాక నాకు చెప్పు రా అంటూ ఫొనె పెట్టేసారు పెదనాన్న గారు …
 
                                                                    ***
కరెక్ట్ గా వారానికి మా వాల్లే వాళ్ళకి ఫొనె చేసారు నేనేదో యెస్ చెప్పినట్లు ..
వాళ్ళ అమ్మ గారు ..అబ్బాయ్ ఎదో తికమక లో ఉన్నాడండి …చెప్తాడు …అమ్మాయ్ ఏమంటోంది అన్నారు ..
మా నాన్న ..హెల్లొ హెల్లొ అంటూ పెట్టేసారు ..
శంక్రాంతికి ముందు రోజు ఫొనె చేసి ..మా కుటుంబాలంతా ….గోదావరి నుండి కావేరి కి తరలి వచ్చాయ్ ..ఓ సారి పిల్లని బెంగలూరు తీసుకొచ్చి చూపిస్తారా ..అని అడిగారు ..
వెళ్దామా అన్నారు నాన్న ..?
నేను మా డామేజర్ తో పోట్లాడి మూడు రోజులు సెలవ తీసుకుని వచ్చాను ….నేను మళ్ళీ ఇప్పుడు బెంగలూరు రాను ..
 
                                                                     ***
క్రికెట్ జట్టు లా 12 మంది వచ్చి మళ్ళీ చూస్కుని వెళ్ళారు …
నచ్చిందండి మాకు అమ్మాయ్ అని రెండు రోజుల తర్వాత చెప్పారు ..
నా తికమక నాదే …
సరె అబ్బాయ్ తో ఫొనె లో మాట్లాడు …
అతను చెప్పినవే చెప్పి..మంచోడని యే మూలో అనిపిస్తే ..ఇంటికి ఫొనె చేసి ఓ కే అని చెప్పాను ..
మా కుటుంబ సభ్యులు ఓ నలుగురు కావేరి నుండి గోదావరి కి ఈదుకుంటూ వెళ్ళి ….కింద మాటలు మాట్లాడుకుని వచ్చారు…
 
                                                                      ***

మా అమ్మాయని చెప్పటం కాదండి ..చాలా నిదానస్తురాలు ....
మా అబ్బాయని చెప్పటం కాదండి..గూడ్స్ బండి లాంటోడు ..
దేవుడంతే భక్తి బాగా ఎక్కువండి ...పిల్లకి...
మా అబ్బాయి గుళ్ళోనే ఉంటాడండి ...
సాఫ్ట్వేర్ ఇంజినీర్ అన్నారు...
కాని వాడి మనసు ఎప్పుడూ దెవుడి మీదే ...అని అర్థమండి ...
చాలా మంచిదండి ...బాగా మ్రుదు స్వభావి ...
మ అబ్బాయిది మల్లె పూవు లాంటి తెల్లని..స్వచ్చమైన ..మనసు...
పిల్ల 5.2
అయితే అబ్బాయ్ బాగా పొడుగు 5.4
మా అమ్మాయ్ ఇంట్లొ ఉన్నది చాలా తక్కువ...అందుకే పెద్ద పెద్ద పనులు రావు ..
మ అబ్బాయ్ చాల పని వంథుడు అండి ..వాళ్ళ అమ్మకి కూడా వెనక వెనక ఉండి సాయం చేసేవాడు ..
అందుకే అండి పెళ్ళి అయ్యాక కూడా అబ్బాయ్ సాయం చేయాలి ..ఇది వరకటి లాగా కాదు కదా...ఉద్యోగము ..ఇంట్లో పని..అన్నీ పిల్ల చెస్కోలేదు కదా మరి
చెప్పాం కదండి ..మ వాడు బంగారం ...మీరు దేని గురించి అలొచన పెట్టుకోవద్దు ..
 
                                                              ***

ఇదంతా విని మా తమ్ముడు ఒసేయ్ పెద్దమ్మ నీకు పేద్దగా పనులు రావు...మా పిల్ల ఇత్తడి అని చెప్పేసొచ్చిందే .....వాళ్ళు వాళ్ళ అబ్బాయ్ కి నూటికి రెండు వందలు వెసుకుంటే..మన వాళ్ళు నీకు యాభయ్ మార్కులు వెసరు అంటూ కికికి అన్నాడు...
నచ్చలేదు...అస్సలు నచ్చలేదు...
పెద్దమ్మని ఇదే మాట మీద నిలదీస్తే ...నీకు తెలిదే అలా చెప్తే కాస్తన్నా సాయం చేస్తారు...లెదంటే మీ పెదనాన్న గారి లా బరువు భాద్యతలు నీ మీద పడతాయి...
సరే కస్త ఓ కే ....అని నాన్న మీరన్నా..మీ అమ్మాయ్ గురించి పొగడచ్చు కదా...అంటే అమ్మ వైపు చూసారు...అమ్మ గొడకేసి చూసింది..తమ్ముళ్ళు నవ్వుతున్నరు...
కిరణు...చూడు..బావ..నీ గురించి తెలీక ఒప్పుకున్నారు ....నువ్వింక నోరు ముసుకుని...ఈ అద్భుత మైన ఛాన్స్ ని మిస్ చెస్కొకుండా..చెసుకో
ఏమిట్రా...బాధే లేదా..??అయ్యో అక్క కి దూరం అవుతాం అని..
హుహుహహ్హహ్హహ్హహహ్హ
ఛీ ఛీ..
అప్పగింతలప్పుడు కూడా బాగా ఎక్ష్పెక్ట్ చేయకు...
ఏదో బాగోదు కదా అని నటిస్తాం ...పెద్దొడు..అల్రేడి థౌసంద్ వాల తెచ్చాడు...
మీ బస్ అటు వెళ్ళగానే సెలెబ్రేషన్స్ మొదలవుతాయి ..
ఇంక ఈ సందడి మొదలు...నిశ్చితార్థం ..పెళ్ళి ...అన్ని నాకు తెలీకుండానే అయిపొయాయి..
ముహుర్థం మార్చి తొమ్మిది అర్ధరాత్రి 2.30 కి ..అంటే పదో తారీకు తెల్ల వారు ఝామున .
పెళ్ళయ్యి సంవత్సరం అయ్యిందంటే కాలమెంత వేగమో అర్థమయ్యింది ...
హడావుడి పిలుపులని కొట్టి పారేయకుండా..ఎంథో దూరలనుండి వచ్చి...మమ్మల్ని ఆశీర్వదించిన స్నేహితులకు పెద్దలకు ఎన్నో ధన్యవాదాలు..!!
మీ దీవెనలు మాతోనే ఉండి ...హాయిగా మా జీవితాలు సాగిపొవాలి...
అన్నట్లూ....మా పెళ్ళి రోజు నేను మార్చి పదని...మా వారు తొమ్మిదని..వాదించుకుంటూ ఉన్నాం...
సరే అని నేను  10 తను 9 చేస్కున్నాం...
 
 

29 August 2012

సీరియల్స్ బామ్మ

 "ఏవండి...మీరు ఉద్యోగం మానేసి ఇంట్లో అన్నా ఉండండి..లేదా..నాకు ఏదో ఒక ఉద్యోగం చేస్కునే అవకాశం ఇవ్వండి..."
"మళ్లీ ఏమైంది...?"
"కొత్తగా అవ్వడానికి ఏమి లేదు...మీ అమ్మ గారున్నారే..."             
"మీ ఇద్దరి గోల నాకు చెప్పద్దు అని ఎన్ని సార్లు చెప్పాను...?"
"హా..చెప్తారు....పిల్లలు కూడా వాళ్ళ బామ్మ అంటేనే పారిపోతున్నారు...."
"మరీ మా అమ్మ అంత గయ్యాళి ఏమి కాదు...."
"నేనన్నానా..??..ఆ టీ వీ ఇంట్లో వద్దు....ఎవరికన్నా ఇచ్చేద్దాం...ప్లీజ్..!!"
"అబ్బా...అది ఉంటే ఏదో ఒకటి కాలక్షేపం ఆవిడకి..."
"సరే నేను రేపు ఎట్టి పరిస్థతిల్లో... మా చెల్లి వాళ్ళ ఇంటికి వెళ్ళాల్సిందే...మీరు సెలవ పెట్టుకుని...అత్తయ్య గారిని చూస్కోండి..."
"అలాగే లే...పో.."
--------------
పొద్దున్న ఆరింటికి పెద్దావిడ లేచి...
----------------
"అమ్మా...పార్వతి...కాఫీ ఇవ్వమ్మా....ఆ బ్రూ అడ్డిమెంట్స్ లో వాళ్ళు..ఆహ..ఓహో అంటారు కదా...అలా వాసనా..రుచి రెండు ఉండాలి.."
"అమ్మా..ఈ రోజు అది వాళ్ళ చెల్లి ఇంటికి వెళ్ళిందే....నేనే ఉన్నాను....నాకు టీ చేయడం మాత్రమే వచ్చు...కాఫీ రాదు.....ఏది ఇవ్వమంటావ్..?"
"అదేంట్రా పార్వతి ...పుట్టిల్లు సీరియల్ లో లక్ష్మి వాళ్ళ అత్తగారికి చెప్పకుండా బైటికి వెళ్ళినట్లు వెళ్ళిపోయింది..??...సరేలే...నువ్వు రంగు.. రుచి... చిక్కదనం...మూడు ఉండేలా 3 రొసేస్ తో ఒక కమ్మటి టీ పెట్టివ్వు..."
"అమ్మా..టీవీ లో ఊరకే చూపిస్తారు....అలాగే రావాలంటే కష్టం.."
"ఏదో ఒకటి పెట్టు..ఈ లోపు గీజర్ వేసి రా.....అసలే తల స్నానం చేసి.....వెంకన్న గుడికి వెళ్లి ..ఇక్బాల్ మీద అర్చన చేయించాలి..?"
"వాడెవడు అమ్మ..చిన్ని ని దింపే ఆటో వాడా....?"
"ఛి ఛి..కాదు రా.....ఈ రోజుతో నాలుగు వంద ల ఇరవై రెండో భాగం పూర్తి చేస్కుంటున్నా చెక్కెర పాకం సీరియల్ లో ని ఇక్బాల్ హాస్పిటల్ లో ఉన్నాడు....వాడికి నయం అవ్వాలని...అర్చన చేయిస్తా అని వెంకన్నకు మొక్కుకున్నా...!!"
"అమ్మా...??????????"
"టీ బానే ఉంది రా..ఇంకా కొంచెం రంగు ఉంటే బాగుండేది....ఆ పెద్ద కూతురు సీరియల్ లో వాళ్ళ చిన్న కోడలు...రంగు రంగుల..కప్పులో భలే చిక్కగా పెట్టిస్తుంది రా వాళ్ళ మామగారికి.."
"అమ్మా...?????????"
"నీళ్ళు కాగుంటాయి...ఈ లోపు నువ్వెళ్ళి పక్క కొట్టు లో కొబ్బరికాయ పట్టుకు రా..ఆ తట్టల సవ్వడి సీరియల్ లో వైదేహి కి కడుపొస్తే పంచ ముఖ గణపతి గుడిలో కొబ్బరి కాయ కొడతా అనుకున్నా...మొదట అక్కడికి వెళ్లి వెంకన్న గుడికి వెళ్ళొస్తా..."
"అమ్మా...???????"
"ఏ రా...వెళ్ళొస్తా...పదకొండు కల్లా వచ్చేస్తా.......కొన్నితెలుగు  సీరియల్ లు తమిళ్ లో వస్తాయ్...కథ ముందే తెల్సుకోవచ్చు.."
"హా..మరే ఎం బి బి ఎస్ పరీక్షలు సిలబస్ ముందే తెల్సుకుని చదువుకోడానికి.."
"దానికంటే గొప్ప రా నేను...ఎన్ని సీరియల్ లు..ఎన్ని పాత్రలు గుర్తు పెట్టుకుంటున్నాను...."
"హా..సరే లే వెళ్ళు....నేను మా ఆవిడకు ఫోన్  చేస్కుంటా..."
ట్రింగ్..ట్రింగ్..ట్రింగ్...
"అయ్యో ఇదేంటి మొబైల్ పట్టుకెళ్ళలేదు..."
"అమ్మా...రామ చంద్ర....ఎండ మండిపోతోంది రా...ఆ ఫ్రిజ్జి లో పెట్టిన చల్లటి మంచి నీళ్లివ్వు రా.."
"ఇదిగో..."
"ఆ వార్తలు పెట్టకు...తల నొప్పి..చెప్పిందే చెప్తూ ఉంటారు...."
"సరే కానీ...పార్వతి ఫోన్ తీసుకెళ్ళలేదు ..మర్చిపోయిందనుకుంటా"
"కాదు రా..నాకోసమే అయ్యుంటుంది..."
"నీకేం పనే ఫోన్ తో..?"
"ఆ ఇత్తడి బొమ్మ సీరియల్ లో ఆ పిల్ల ని కిడ్నాప్ చేసి ఒక చోట పెట్టారు...మొన్న...ఆ విలను...ఆ పిల్ల తండ్రి ఫోన్ నెంబర్ గట్టిగా చెప్తూ ఉంటే నేను ఆ పక్కనే ఉన్న క్యాలెండర్ మీద రాసాను చూడు..."
"ఆ నెంబర్ కి చేసి కూతురు ఎక్కడుందో నేను చెప్పడానికి  పెట్టి  వెళ్ళింది లే "
"అమ్మా..???????????"
"అన్నం  వండావా   ...?..ఆకలి  వేస్తోంది .."
"ఏమ్మా ప్రసాదం పెట్టలేదా..??"
"పులిహోర రా...అయినా ఆ గుడి లో వంట వాళ్ళు మారారు..మడి తో చేసారో లేదో అని నా అనుమానం..అయినా..పన్నీరు ..మసాల తో చేసే వంటలు ఆ వంటింట్లో తంటాలు..ప్రోగ్రాం లో వస్తాయి కదా...అవి చూసి నాకు పార్వతి బోలెడు రకాల వంటలు చేసి పెడ్తుంది..నువ్వేమో ప్రసాదం పెట్ట లేదా అని అడుగుతున్నావ్..."
"ఆహా..మసాల తినచ్చు...బైట బండి వాడి దగ్గర మిరపకాయ బజ్జి లు తినచ్చు...గోబీ మంచురియా లో వెల్లుల్లి తినచ్చు..కానీ గుడి లో ప్రసాదం కి  మాత్రం ఆ అనుమానం ఎందుకొచ్చిందో.."
"పార్వతి ఎన్నడూ ఇన్నేసి మాటలు అనలేదు...నువ్వు ఆ పేద కొడుకు సీరియల్ లో రాము లా మాట్లాడుతున్నవేంటి రా....?"
"అమ్మా....!!!!!!!!!!!!!!!!!!!!!!!!!"
"సరే ఈ రోజు కి నాకు వచ్చిన వంట చేశాను..తిని ...కాసేపు నిద్రపో.."
"అల ఎలా కుదురుతుంది రా .. గ్రహ ప్రవేశం సీరియల్ లో వాళ్ళు కోర్ట్ లో కేసు కు ఏం తీర్పు ఇస్తాడో చూడాలి..."
"లేకపోతే నువ్వెళ్ళి తీర్పు చెప్తావా..."
"మీ ఆఫీసు లో టీవీ గానీ ఉందేంటి రా..అచ్చం ఇందాక చెప్పిన రాము లా నే మాట్లాడుతున్నావ్..వాడికి కూడా వాళ్ళ అమ్మ అంటే అసలు లెక్క లేదు..?"
"అమ్మా..నేను వెళ్లి పడుకుంటా...నీ ఇష్టం వచ్చింది చూసుకో..."
కిటికీ రెక్కలు కొట్టుకుని మెలకువ వచ్చింది..సన్నగా మూలుగుతున్న..గొంతు..
"అయ్యో అమ్మ నా మాటలకి బాధ పది జ్వరం తెచ్చుకుని ఏడుస్తోందా ..??"
"ఏమిటో... కలి కాలం..మంచి కి రోజులే కావు..." అంటూ ముక్కు మూతి..మళ్లీ ముక్కు మూతి ఒకటే సరి తుడిచేస్తోంది పెద్దావిడ..
"ఏమయ్యిందిప్పుడు  ...??"
"ఆ ఇద్దరు విడాకులు తీస్కుంటున్నారు...ఇద్దరు సంతానం...ఆ అక్క ,తముళ్ళకి ఒకరంటే ఒకరికి  బాగా ఇష్టం...కాని...ఒకరు తల్లి దగ్గర ..ఒకరు తండ్రి దగ్గర ఉండాలి అని కోర్టు తీర్పు ఇచ్చింది..ఆ పిల్లలు పొద్దున్నుండి అన్నం కూడా తినకుండా ఏడుస్తూనే ఉన్నారు.....నాకు కన్నీరు ఆగట్లేదు...అసలే నీ చెత్త వంటకం తిన్నానేమో అస్సలు ఓపిక లేదు ఏడవటానికి..."
"ఎవరింట్లో ఇంతకి... మన చాకలి అంజి ఇంట్లో నేనా..??"
"నీ మొహం..కళ్ళు పోతాయ్..వాళ్ళు శుభ్రంగా ఉన్నారు..వాళ్ళు కాదు ఇందాక నేను చెప్పిన గ్రహ ప్రవేశం సీరియల్ లో.."
"నా గ్రహాలు బాలేక ఇంట్లో ఉన్నానే...ఇంట్లో ఉన్నా... బైటికి వెళ్ళొస్తా.."
"షర్టు వేసుకుని...లుంగి తో నే ..బైటికి వెళ్తూ ...అలా సందు చివరి పార్క్ లో కుర్చుని వస్తా ప్రశాంతంగా  ..."
"అలాగే నేను కూడా ప్రశాంతి సీరియల్ చూసుకుంటా ప్రశాంతంగా ...ఎక్కడున్నా నాలుగింటికి వచ్చేయి నాకు టీ పెట్టివ్వాలి..."
"అమ్మా..!!!!!!!!!"
"పెద్దమ్మ గారు..నేను వచ్చాను...అంట్లు వెయ్యండి...పారోతమ్మ  లేదా..??" అంటూ వచ్చింది లచ్చి..
"లేదు..మా వెధవ ఉన్నాడు...చల్ల గాలి కోసం పార్కుకి పోయాడు.....వస్తాడేమో...ఓ పది నిముషాలు ఆగు..."
"మీరేయ్యచ్చు కదా...అమ్మా.."
"ఏమిటే నీకు కూడా దెయ్యం సీరియల్ లో రంగి లాగా నోరు లేస్తోంది....అది వాళ్ళ చిన్నప్పటి నుండి తెలుసు  అని దాన్నే పెట్టుకుంటే మాటకి మాట సమాధానం చెప్తోందే.."
"ఈ అయ్యోరు ఎప్పుడొస్తారో ..."
మేడ మీద నుండి మెట్లు దిగుతూ ..వస్తున్నా అతన్ని చూసి..."అయ్యోరు.."..అనే లోపు...అరవద్దు అని సైగ చేస్తాడు...
"వచ్చావా..దానికి అంట్లు వేసి నాకు టీ పెట్టివ్వు..ఈ వెధవ డిష్ పోయింది...ఆ డిష్ వెధవ రానివ్వు...నన్ను టెన్షన్ లో పెట్టినందుకు యాభై రూపాయలు కట్ చేస్తా.."
"నీకెందుకు  టెన్షన్.."
"ఆ ఉత్తరం నీరు అనే సీరియల్ లో..."
"అమ్మా........."(ఇంక అరవడానికి కూడా ఓపిక పోయింది...)
ఇల్లంతా చాల నిశ్శబ్దం గా మారిపోతుంది...
"కాసేపట్లో...టీ ఇస్తూ...మొన్న రామాయణం తీసుకొచ్చా కదా...చదివావా..??"
"ఎక్కడ రా..సమయం లేదు నాకు...ఒకటే ఒళ్ళు  నొప్పులు..వర్షాలు కదా..బయట వాతావరణం కూడా తేడా గా ఉంది కదా.."
"ఉదయం నుండి బానే ఉన్నావ్ కాబట్టి..ఇప్పుడు కాసేపు చదువు అని చేతిలో పెట్టేసి అతను పేపర్ అందుకున్నాడు.."
"ఎక్కడ రా చలికి షాల్ కప్పుకున్నాకదా..."
"షాల్ కప్పుకుని టీవీ చూసావు కదా..అలాగే ఇది కూడా చదువు.."
"$%$^$%&^$%&^%&* "  పుస్తకం తెరచి.. "శ్రీ రామ చంద్ర మూర్తి కి జై" అని ఒక్క అరుపు ...రాముడు ఇంకో రెండు రోజులు నిద్ర పోకుండా ఉండేలా ...చేసి...పుటలు తిప్పుతోంది...
కొడుకు చూస్తున్నాడు...
"ఏమయ్యిందే..అద్దాలు తెచ్చివ్వనా..??"
"కాదు రా...రాముడి గా సీరియల్ లో చేసే వాళ్ళలో ఎవరు నప్పుతారా..అని ఆలోచిస్తున్నా..??"
"అమ్మా...".
"సర్లే...చదువుకుంటా...."
అప్పుడే   కాలేజీ నుండి వచ్చిన మనవరాలు...వాళ్ళ నాన్న పక్కనే కూర్చునే కాఫీ కలుపుకుని తాగుతూ..చెవిలో "ఏంటి నాన్న ఇది మన బామ్మే నా" అని అడిగింది...
"చూడు..మీ అమ్మా ..మీరు మార్చలేనిది  ..నేను ఒక్క రోజు లోనే మార్చేసా..."
"చిన్ని...ఎక్కడున్నావే..?"
"హా బామ్మా వస్తున్నా..."
"చూడవే రామాయణం ఎంత బాగుందో..రాముడి పేరు తలచుకుంటేనే వళ్ళంతా పులకరిస్తోంది..."
"అవును కదా బామ్మ...మొన్న గుడి లో ప్రవచనాలు చెప్తుంటే రానంటే రాను అన్నావు...మరి.."
"సరే కానీ...నాకు కొన్ని సందేహాలు..ఉనాయి అవి తీర్చు.."
"అమ్మో..నాకేం తెలుసు బామ్మా...రామాయణం...??"
రామాయణం లో వి కాదు లే....ఇందాక మీ నాన్న ని అడిగితే కొర కొర చూసాడు...అందుకే నిన్ను అడుగుతున్నా..."
"రాముడి పాత్రకి నాటకాల్లో వాళ్ళు ఎవరు సరిపోతారు..?
సీతకి..?
మండోదరి మాత్రం అరటి ఆకులు సీరియల్ లో పాటి నే..ఆ 1765  భాగం లో ఆవిడ నటన నన్ను అంత ఆకర్షించింది ..
లక్ష్మణుడు ఏమో సోది అన్నయ్య సీరియల్ లో వేసిన తమ్ముడే..ఆ తమ్ముడు వాళ్ళ సోది అన్నయ్య తాగుబోతని తెలిసి...డబ్బులు ఇద్దరు కర్చు పెట్టకూడదు కాబట్టి..వీడు మందుని త్యాగం చేసాడు
దశరథుడు...పేద నాన్న లో నాన్నే..నలుగురు కూతుర్లైనా...పద్ధతి గా పెంచి..ధైర్యం నేర్పించి...మంచి కుటుంబాలకు పిల్లల్ని పంపించాడు..అల్లుళ్ళు కూడా గుణవంతులే .."
"బామ్మా.........!! :("
"నాన్నా..ఏం మార్చావు...ఆవిడా రామాయణం పట్టుకుని  కూడా సీరియల్ ల గురించే ఆలోచిస్తోంది..మారింది అనుకుని ఎంతో ఆనందపడ్డాను"
"చిన్ని..రాత్రికి చోలే పటోడా చేయవే.."
"బామ్మా...సెనగలు నానేసి లేవు...."
"ఉండు నేను గుడి కి వెళ్లి గుగ్గిళ్ళు తీసుకొస్తా.."
"అయ్యో నేనొక్క దాన్నే అయితే తక్కువ ఇస్తారు...నువ్వూ..మీ నాన్నా కూడా రండి..."
"అమ్మా..."
"ఏమిట్రా..పొద్దున్నుండి.....అన్నిటికీ అడ్డం పడుతున్నావు.....నాకు అసలు స్వాతంత్ర్యం లేదా..???నన్ను ఒక old  age  home  లో పడేయి...." మళ్లీ మూతి ముక్కు...ముక్కు మూతి తుడిచేస్తోంది ఈవిడ
"ఇప్పుడు ఏమన్నా..?? పదా..వెళ్దాం..."
గుడికి వెళ్ళే దారి లో ..ఈ బామ్మ ఇంకో బామ్మ కనిపిస్తే ఉత్తమ కోడలు అనే సీరియల్ గురించి మాట్లాడుకుంటూ...ఉండగా..తప్పించుకుని...కొంచెం వెనక నడుస్తూ...
"ఎమ్మా...చిన్ని...రోజు బామ్మ ఇంతేనా..?ఇంత సీరియల్ పిచ్చి ఏంటి..??"
"నాన్నా..అమ్మా రోజు చెప్తుంటే నీకు అర్థం కావట్లేదు...ఇంతే...ఇంకా సాయంత్రం నుండి డిష్ రావట్లేదు...లేకపోతే....లైవ్ కామెంట్రి ఇస్తూ చంపేస్తుంది...ఇంకా ఆ anchor  లు వేసుకునే డ్రెస్ లు.. చీరలు ..బాగుంటే నీ పాత డైరీ లో వెనుక కొన్ని పేజి లు ఖాలీ గా ఉంటే అందులో వాటి డిజైన్ లు వేస్తుంది...సాయంత్రం రాంగానే...నాకు చూపిస్తుంది...ఇలాంటి సహాయాలు చేస్తుంది...నేను చదువుకోడానికి పక్క వీధి లో ఉన్న సుధా వాళ్ళ ఇంటికి వెళ్తున్నాను.."
"నాకు ఒకటి బాగా అర్థమయ్యింది...నేను సెలవ పెట్టకూడదు కాక పెట్టకూడదు  .."
"అంతే నాన్న..ఎప్పుడు నీ స్వార్థమే..మేమూ... అమ్మా...మీ ఆమ్మ మాటలు.. సీరియల్ లు... వింటూ.. చూస్తూ... ఉండాలా..గట్టిగా ఎమన్నా అంటే..వీధి వీధి అంత వినపడేలా అరిచేస్తుంది..."
"పెద్దది కావడం తో ఏమి అనలేకపోతున్నానే...సరే లే...ఇంకో టీవీ కొని మీకు బెడ్ రూం లో పెట్టిస్తా లే.."
"సరే..ఇంకో విషయం.....ఇందాక డిష్ వైర్ ....నేనే లాగేసా....ఎన్ని రోజులు వీలైతే అన్ని రోజులు పెట్టకండి..."
"హహహ...అలాగే..నాన్న.."
"ఇంతకీ బుజ్జోడెక్కడ..??"
"వాడు మెడ మీద క్రికెట్ ఆడుకుంటాడు..రోజు స్కూల్ నుండి రాంగానే..."
"ఓహో..."
"నాన్న..నాన్న....టీవీ లో ఫుట్ బాల్ మ్యాచ్ వస్తోంది అడ్డు జరగండి.."అంటూ వెనక నుండి వచ్చాడు...బుజ్జోడు
"డిష్ రావట్లేదు రా..మధ్యానం  నుండి..."
"లేదు లే...వైర్ ఏ కోతో లాగేసినట్లుంది...నేనిప్పుడే పెట్టేసి వచ్చా...."

4 July 2012

మీరంతా ఆహ్వానితులే ... :)

నేను వంట చిన్నప్పుడే చేసేదాన్ని...చిన్నప్పుడంటే B.Tech లో ఉన్నప్పుడు... మా అమ్మ ఊర్లో ఉన్నప్పుడు ఎప్పుడూ వంటింట్లోకి వెళ్ళిన పుణ్యానికి పోలేదు...నాకు మా అమ్మ అంటే అంత గౌరవం...తాను చేస్తుండగా..నేను వెళ్లి నీ పని నేను చేస్తా అంటే ..పాపం నా పని సరిగ్గా లేదేమో అని అమ్మ మనసు నొచ్చుకుంటుంది కదా..ఇలా అన్ని రకాలు గా అలోచించి..వంటింట్లో కి కూడా వెళ్ళకుండా...హాల్ లో నుండే నీళ్ళు అడిగేదాన్ని...ఒక్కోసారి చేతికొచ్చేవి...ఒక్కో సారి మొహాన పడేవి...అది మాతృ దేవత మూడ్ ని బట్టి ఉంటుంది..!!అయినా ఏవండోయ్...ఏనాడు వంటింట్లోకి వెళ్ళేదాన్ని కాదు...!!

అమ్మ అమ్మమ్మ కి వంట్లో బాలేదనో..తాతయ్యకి జ్వరంగా ఉందనో..పిన్ని రాక రాక పుట్టింటికి వచ్చిందని చూడటానికి వెళ్తేనో..నా పెతాపం బైట పడేది..కొన్ని రోజులు నాన్న చేసేవారు...తర్వాత అమ్మతో  తిట్లు తినేవారు..."బాగుంది...అన్నీ మీరు చేస్కుంటే దానికేప్పుడు పని వచ్చేది...వదిలేయండి..వచ్చీ..రానీ వంటలు పనులు చేస్కుంటేనే కదా మనం ధైర్యంగా ఇంకో ఇంటికి పంపగలం"..అంటే..అప్పట్లో ఏమనుకునే దాన్నంటే..దీనికి ఉద్యోగం రాకపోతే కనీసం ఈ పని కైనా పంపిద్దాం అనుకున్నారేమో అనుకునే దాన్ని...పిచ్చి మొహాన్ని...అసలు మెయిన్ కాన్సెప్ట్ అర్థమే అయ్యేది కాదు...నాన్న కూడా అమ్మ మాటలు మనసు మీదకి తీస్కోని....వంటిట్లోకి రావడం మానేస్తే నేను బెడ్రూం లో కి కూరలు ..బియ్యం..చపాతీ పిండి తీస్కోచ్చేదాన్ని...నాన్న వీటితో మీకు ఏదోస్తే అది చేయండి..గ్యాస్ స్టవ్ కూడా ఇక్కడికే తీసుకొస్తా అని...మా నాన్న కొంచెం కూడా మొహమాటం లేకుండా ఆ సదవకాశం నీకే ఇస్తున్న...ఏదోస్తే అది నువ్వే చెయ్యి అన్నారు... కన్నీళ్లు ఆగక బియ్యం పోసుకోచ్చిన గిన్నెలోనే పడ్డాయి....ఆ నీటితోనే బియ్యం కడిగి అన్నం వండాను....తర్వాత బెండకాయలు కసాబిసా  లెక్కగా  కోసేసి....లెక్కంటే..నాకు రెండు..తమ్ముడికి రెండు..నాన్న కు నాలుగు బెండకాయలు..మళ్లీ మధ్యలో పుచ్చులు వచ్చేవి ...నాకేమో అసలే అనుమానం...అన్నీ తరిగిన తర్వాత ఒక భూతద్దం తీసుకొచ్చి ఆ అరవై ముక్కల్ని నెమ్మది గా చూసేదాన్ని...అరవై ఎలా అంటే...ఒక్కో బెండకాయని ఆరు ముక్కలు గా స్కేలు పెట్టుకుని సమానంగా కోసేదాన్ని....ఒక్కో సారి..చిరాకువేసి ...ఒక్క  సారిగా dettol తీసుకొచ్చి కడిగేస్తే ఓ పనైపోతుంది అనిపించేది..కానీ నేను కూడా టీవీ చూస్తాను కదా...అందులో దాన్ని బాత్రూం లో మాత్రమే వాడటం చూపించడం వల్ల దాన్ని వంటింట్లో కి తెచ్చే దాన్ని కాదు :P ..
సరే ..నా పరిశీలన అయ్యాక  వాటిని నూనె లో టకా టకా వేయించి ..ఉప్పు..కారం జల్లేసి...ఏ వాసన రాకపోతే కాస్త  ఇవ స్ప్రే దాని మీద చల్లి...చారు చేసి....వాసన కోసం ఈ సారి ఇంగువ చల్లి....మొట్ట మొదటి సారిగా వండినందుకు దేవుడికి నైవేద్యం పెట్టి...దేవుడి నోరు ఓ బట్టతో కట్టేసి....(అటు గట్టిగా అరవకుండా..ఇంకో వైపు దాన్ని ఎలాగైనా ఆయన పొట్ట లోకి వెళ్లేందుకు..)..నాన్న కి ,తమ్ముడికి బాక్స్ లు కట్టేసి..నేను మాత్రం బ్రెడ్ ,జాం పట్టుకెళ్ళి...పొద్దున్న బ్రేక్ లో అవి ముగించేసి...మధ్యానం..ఖాళీ గా కూర్చుంటే..పాపం కిరణ్ వాళ్ల అమ్మ ఊరు వెళ్ళింది  అని జాలి పడి ఒకరు..బియ్యపు రొట్టె విత్ నూనె వంకాయ కూర..ఒకరు ఫ్రైడ్ రైస్...ఇంకొకరు పులిహోర పెడ్తుంటే..ఆహా..ఓహో...ఇప్పుడు మీకేదో సామెత గుర్తు వస్తోందే...నా మాట విని మర్చిపోండి... :P

                                          సాయంత్రం ఇంటికి రాంగానే ఎలా ఉంది అని కూడా అడగను...తండ్రికన్నా ...పుత్రికోత్సంబు ఉంటుంది...తమ్ముడికి ఉన్న ఉత్సాహం కూడా పోయుంటుంది కాబట్టి..ఏ క్రికెట్ బాట్ పెట్టో  నెత్తి మీద కొట్టాడంటే..వద్దులే ..మీరంతా ప్రశాంతంగా ఉంటారు :P .కాని నాన్న నేను మళ్లీ సాయంత్రం వంట చేస్తున్నప్పుడు నెమ్మది గా వచ్చి..స్టవ్ సిం లో పెట్టుకుని వండు అన్నారు...ఇప్పుడేమో బంగాలదుంపలు ...పొద్దున్న చారే..వేడి చేశా అన్నమాట...ముగ్గురం ఒకే చోట కూర్చుని తినాలి..కానీ నాకేమో మీకు తెల్సినట్లే సిగ్గెక్కువ కదా..."నాన్నా.. మళ్లీ తింటా" అంటే...మూడో కంచం నా వైపు తోసారు.... :(

                                    ఆ రోజూ నేనూ, తమ్ముడూ..దేనికోసమో పిచ్చి పిచ్చి గా కొట్టుకుని మాట్లాడుకోవట్లేదు...మా ఇద్దరినీ తిట్టి నాన్న కూడా చాలా సైలెంట్ అయిపోయి...పెద్ద దానివి...ఆడ పిల్లవి ..వాడితో సమానంగా పోట్లడుతావ్....సర్డుకోవద్దు అని స్వరం పెంచారు...నోట్లో ఒకొక్క ముద్దా పెట్టుకుంటూనే  వెక్కి వెక్కి ఏడుస్తున్నా...వాళ్ళిద్దరూ ఎప్పుడో  అయిపోగొట్టి వెళ్ళిపోయారు..కానీ నా తిండి అవ్వట్లేదు...ఇక మా తమ్ముడుం గారికి కోపమొచ్చి..నువ్వు కనీసం నాన్న తిట్టిన సాకు పెట్టుకునైనా నీ తిండి తినలేక ఏడుస్తున్నావ్..మరి మా బాధ ఎవడితో చెప్పుకోవాలి..అని గట్టిగా అరిచాడు..దుఃఖం ఇంకా ఎక్కువై...ఇంకో సారి అక్కయ్యా..వంట చేయాలంటే నువ్వే చేయాలి అనేలా పేరు తెచ్చుకోవాలని కలలు కంటూ నిద్దరోయాను..

అమ్మ వచ్చాక..పర్లేదు బానే ఉంది దాని వంట అని ఇద్దరూ చెప్పడం తో..TL అప్ప్రైసల్ టైం లో మేనేజర్ కి ఇచ్చే ఫీడ్ బ్యాక్ లాగ ఫీల్ అయ్యి ఆనందపడ్డాను..లేకపోతే మీకు ఈ పాటికి కిరణ్ సహస్త్ర నామావళి అనే పుస్తకం అందుబాటులో ఉండేది...

మా అమ్మ నా మీద నమ్మకం తో తరచూ గా ఊరు వెళ్ళడం  మొదలెట్టింది...మా తమ్ముడు ,నాన్న కూడా ..తరచూ గా బాధ పడటం అలవాటు చేస్కున్నారు...
ఒకటో సారి - పొద్దున్న బ్లాక్  బెండకాయ్..సాయంత్రం బ్రౌన్ బంగాల దుంప....రెండు పూటలా ఒకే రెడ్డిష్ బ్రౌన్ చారు..
రెండో సారి - అవే..
మూడో సారి - డిట్టో
నాలుగో సారి - మీకు తెల్సు..!! :P

ఏదో ఒక సారి మా తమ్ముడు స్కూల్ కి వెళ్తూ వెళ్తూ ...వాళ్ల ఫ్రెండ్ ఇంటికి వెళ్లి ..అక్కడి నుండి వాడితో వెళ్దాం అని అటు వెళ్ళాడు...ఆ ఫ్రెండ్ వాళ్ల అక్క నా ఫ్రెండ్..
ఏం రా మీ అక్క ఏం చేస్తోంది..??
ఇప్పుడే నాకు..నాన్నకు బాక్స్ కట్టించింది..అక్కా..ఇంకా టిఫిన్ తిని కాలేజీ కి వస్తుంది..
మరి మీ అక్క తెచ్చుకోదు కదా బాక్స్...
ఓహ్ అవునా..ఏమో అక్కా మరి..(అమ్మ దొంగ మొహమా!!)
సరే పైకి రా....వాడు ఇంకా షూస్ వేస్కోవాలి..
లేదక్క..సైకిల్ కి కార్రియర్ ఉంది కదా......కోతులు ఉన్నాయ్..కిందే వెయిట్ చేస్తాం లే..
సరే......అయ్యో కోతి..కోతి..
అయ్యయ్యో...అక్క పెట్టిన  కూర అంతా పడిపోయిందే....
అదేంటి రా..అవి ఆ కలర్ లో ఉన్నాయ్...
బెండకాయలు అక్క..
అవి పచ్చగా కదా ఉంటాయి..
మా అక్క చేస్తే నల్లగానే వస్తాయ్ అక్కా..
ఎలా తింటున్నవ్?
ఎవడు తింటున్నాడు...చూసావా...కోతులు కూడా దగ్గరికి రావట్లేదు..
ఓహో..సరే..వెళ్ళండి...

అది కాలేజీ కి వచ్చి అందరికి చెప్పి చెప్పి నవ్వింది దొంగ మొహం ది :(

ఇంకో సారి మా తమ్ముడు ఊర్లో లేడు..నేను,నాన్న మాత్రమే ఉన్నాం...ఈ రోజూ శనివారం...నువ్వు టిఫిన్ చెయ్యి కిరణ్ అంటే..పాపం ఎప్పుడూ ఉప్మా నే వద్దు..నాన్నకు పూరి చేసి పెడతాం అని సూపర్ ఫాస్ట్ గా చేసేసి...నాన్నకు టిఫిన్ ఇచ్చి ..పక్కనే మూడు చెంబుల నీళ్ళు పెట్టి..రెండు గదుల అవతల కూర్చుని....కంగారు కంగారు గా..పుస్తకం తిరగేసి పట్టుకుని.....చదువుకుంటున్నా....ఈ లోపల కరుం కరుం అని శబ్దం..ఏమిటి ఇవి బాలేక పప్పు చెక్కలు(నిప్పట్లు) లాంటివేమన్నా  తింటున్నారేమో అనుకుని తలుపు చాటున నుంచుని చూస్తే ..అవి మనం చేసిన పూరిలే...నవ్వాగలేదు...కాని నవ్వలేను..ఎలా ఉన్నాయని అడగలేను....
మళ్లీ నెక్స్ట్ టైం బెటర్ లక్ అనుకుని...అమ్మ కోసం ఎదురు చూసి రాంగానే చెప్తే..అమ్మ కాసేపు నవ్వి...చూడు...మరి..వంట రావాలి కదా..అని స్వరం మార్చే లోపు...అమ్మా అన్నట్లు స్నేహ ఏదో చదువుకుందాం రమ్మంది అంటూ సైకిల్ తీసేసా..!!

ఇంత టపా చదివిన మీ అందరికి మా ఇంట్లో విందు భోజనం...మీరంతా ఆహ్వానితులే ... :)
Posted by Picasa

ఫిదా కి ఫిదా

శేఖర్  కమ్ముల గారు బాగున్నారా?? మీకే ??  బానే  ఉంటారు !! .. మా పరిస్థితే  ఏమి బాలేదు.. ఏం చెప్పమంటారు .?? మాది ఒక  సాఫ్ట్వేర్  జంట .. చి ఛ...